2013 jylǵy 15 naýryz, Astana, Úkimet Úıi
«Qazaqstan Respýblıkasynyń janýarlar dúnıesin memlekettik qorǵaý týraly erejesin bekitý týraly» Qazaqstan Respýblıkasy Úkimetiniń 2004 jylǵy 31 jeltoqsandaǵy №1457 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. "Qazaqstan Respýblıkasynyń janýarlar dúnıesin memlekettik qorǵaý týraly erejesin bekitý týraly" Qazaqstan Respýblıkasy Úkimetiniń 2004 jylǵy 31 jeltoqsandaǵy №1457 qaýlysyna (Qazaqstan Respýblıkasynyń PÚAJ-y, 2004 j., №51, 680-qujat) mynadaı ózgerister engizilsin:
kórsetilgen qaýlymen bekitilgen Qazaqstan Respýblıkasynyń janýarlar dúnıesin memlekettik qorǵaý týraly erejede:
1-tarmaqtyń ekinshi bóligi mynadaı redaksııada jazylsyn:
"1. Qazaqstan Respýblıkasynyń janýarlar dúnıesin memlekettik qorǵaý (budan ári – janýarlar dúnıesin memlekettik qorǵaý) janýarlar dúnıesin qorǵaý, ósimin molaıtý jáne paıdalaný salasynda basqarý, baqylaý jáne qadaǵalaý fýnksııalaryn júzege asyratyn memlekettik organnyń (budan ári – ýákiletti organ) qurylymynda uıymdastyrylady.";
4-tarmaqtyń birinshi bóligi mynadaı redaksııada jazylsyn:
"4. Janýarlar dúnıesin memlekettik qorǵaý janýarlar dúnıesin qorǵaý, ósimin molaıtý jáne paıdalaný máselelerimen aınalysatyn janýarlar dúnıesin qorǵaý jónindegi mamandandyrylǵan uıymdardyń qyzmetkerlerinen turady.";
13-tarmaq mynadaı redaksııada jazylsyn:
"13. Janýarlar dúnıesin memlekettik qorǵaýdyń laýazymdy tulǵalarynyń aıyrym belgileri bar nysandy kıim (pogonsyz) kıip júrýge, arnaıy quraldar men qyzmettik qarýdy alyp júrýge, sondaı-aq Qazaqstan Respýblıkasynyń zańnamasynda belgilengen tártippen olardy saqtaýǵa, alyp júrýge jáne qoldanýǵa quqyǵy bar.".
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
