Aımaqtar • 13 Aqpan, 2020

Byltyr Almatyda úsh myńǵa jýyq otbasy baspanaly bolǵan

14 retkórsetildi

Bul týraly Almaty qalasy ákimdiginiń baspasóz ortalyǵynda ótken basqosýda  qalalyq Turǵyn úı saıasaty basqarmasy basshysynyń orynbasary Meıirjan Otynshıev málimdedi.

Otynshıevtiń aıtýynsha, búgingi tańda 25,5 myń almatylyq turǵyn úı alý kezeginde tur. Onyń ishinde 10 myńǵa jýyǵy bıýdjettik uıymdardyń qyzmetkerleri bolsa, 11,8 myńnan astamy halyqtyń áleýmettik osal toptarynyń sanatyna jatady.

«2019 jyly turǵyn úıge muqtaj 2913 janǵa páter bólindi. Aıta ketý kerek, páterlerdiń 64%-y «Nurly jer» baǵdarlamasymen, ıaǵnı baspanasy joq azamattardy qoljetimdi turǵyn úımen qamtamasyz etýge baǵyttalǵan jeńildetilgen nesıelendirý baǵdarlamasy aıasynda berildi», – dedi Meıirjan Otynshıev. Sonyń ishinde jumys isteıtin jastarǵa 1050 páter jalǵa berilgen. Aǵymdaǵy jyly da bul úrdis jalǵasyn tappaq.

Respýblıkalyq «Baqytty otbasy» baǵdarlamasy boıynsha 121 kópbalaly otbasy, 96 tolyq emes otbasy jáne 29 múgedek bala tárbıelep otyrǵan shańyraqqa  246 qaryz berilgen.

Sondaı-aq, ótken jyly 284 kópbalaly otbasy qalalyq «Baqytty otbasy» baǵdarlamasy aıasynda turǵyn úı sertıfıkatyna ıe bolyp, baspanaǵa qol jetkizipti.

Búginde kórsetiletin qyzmetterdiń sapasyn arttyrý jáne bıznes-prosesterdi ońtaılandyrý, sondaı-aq sybaılas jemqorlyqty boldyrmaý jáne ashyqtyqty qamtamasyz etý maqsatynda turǵyn úı kezeginde turǵandardy esepke alýdyń Respýblıkalyq biryńǵaı ulttyq júıesi quryldy.

Osy júıege sáıkes, kezek tolyǵymen elektrondyq úkimet (e-gov) portalyna aýystyryldy. ESQ-sy bar adamdar kezegin kún saıyn qarap, kezek qozǵalysynyń dınamıkasyn kórip otyra alady.

Buǵan qosa turǵyn úıdi bólý jónindegi turaqty komıssııa jumys isteıdi. Onyń quramyna azamattyq qoǵam, Qoǵamdyq keńes, BAQ ókilderi kiredi.

Brıfıngti qorytyndylaǵan Meıirjan Otynshıev búginde turǵyn úı alýǵa kezekke turǵan mezetten bastap páter berilgenge deıingi merzimniń aqparattandyrylýy tolyǵymen aıaqtalǵanyn habarlady.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar