Sport • 13 Aqpan, 2020

Arab chempıonaty «Islamdy» qabyldady (vıdeo)

461 retkórsetildi

Fýtboldan Qazaqstan quramasynyń jartylaı qorǵaýshysy Baýyrjan Islamhan Arab Ámirlikteri chempıonatyna aýysqanyna kóp bola qoıǵan joq. Dálirek aıtsaq, ol  arabtyń «Ál-Aın» fýtbol klýbyna 31 qańtarda aýysqan bolatyn. Sodan beri birneshe oıyn ótkizdi.

Aıta ketken jón, Reseıdiń «Zenıt» fýtbol klýbyndaǵy synaq merzimi sátsiz aıaqtalǵan Baýyrjan birden arab fýtbol klýbymen 5 aıǵa kelisimshartqa otyrǵan edi.

Ol birinshi aqpan kúni alǵashqy debıýttik oıynyn ótkizdi. Oıynǵa tek 71-mınýtta aralasty. Ahmet Vermenniń ornyna shyqqan Baýyrjan Islamhan oıyn alańynda emin-erkin kósildi. Baýyrjannyń aralasýymen oıynnyń  eń bir shıelenisken sátterinde kommentatordyń «Islam, Islam, Islam» degen janaıqaıy kórermendi eriksiz eleńdetip qoıdy. Baýyrjannyń dopty alyp júrgen ár qozǵalysynan úmiti zor jankúıerlerge qosylyp, kommentator keı kezde «Islam, Islam, Han, Han, Islam Han» dep janushyra sóılegende ózińniń de delebeń qozyp, oıynǵa berilip ketesiń. «Al-Vaslǵa» qarsy osy oıynda «Al-Aın» 5:0 esebimen jeńis týyn jelbiretti. Bul oıynda Baýyrjan nátıjeli paspen kózge tústi. Odan keıingi ekinshi oıynda alańǵa 46-mınýtta shyǵyp, qaýipti shabýylmen kózge ilikti. Jankúıerler arasynda onyń oıyn mánerin Mesýt О́zılge uqsatatyndar da bar. Qaı oıynda bolmasyn jergilikti jankúıerler jańa fýtbolshyny jaqsy qarsy alǵanǵa uqsaıdy. Klýb basshylyǵy men jankúıerlerdiń jyly shyraıly qabyldaýyna Baýyrjan rızashylyǵyn bildirdi de.

- Eń aldymen, meni jaqsy qabyldaǵany úshin «Ál-Aın» fýtbol klýbyna kóp rahmet aıtamyn. Sizderdiń alǵashqy kúnnen bergi qoldaýlaryńyzdyń arqasynda, ózimdi úıde júrgendeı sezindim. Úmitterińdi aqtaýǵa bar kúshimdi salamyn. Alda bizdi kóptegen mańyzdy oıyn kútip tur. Sizderdi fýtbol alańyndaǵy ónerimmen qýantamyn dep úmittenemin. Klýbtyń ambısııasy qanshalyqty joǵary ekenin bilemin. Alǵa qoıǵan maqsattarymyzǵa birge qol jetkizip, «Al-Aındi» odan ári dańqqa bóleıtin bolamyz, - dep jazdy Islamhan ınstagram jelisindegi paraqshada.

Al 11 aqpan kúni Islamhan  «Ál-Aın» komandasynyń sapynda Azııa Chempıondar lıgasyndaǵy alǵashqy matchyn ótkizdi. Toptyq kezeńniń birinshi oıynynda  «Ál-Aın» Irannyń «Sepahan» komandasyn qabyldaǵan bolatyn. Baýyrjan oıynnyń alǵashqy mınýtynan bastap sońyna deıin alańda óner kórsetti. Kezdesý 4:0 esebimen qonaqtardyń paıdasyna sheshildi. Jerlesimiz oınaıtyn Arab fýtbol klýby jeńilise de, Baýyrjannyń oıyny jaıly aýyz toltyryp aıtýǵa bolatyndaı. О́zgeshe oıyn stıli men sheshim qabyldaýdaǵy sheberligi kisi súısinerlik fýtbolshymyz birneshe márte sátti pas shyǵaryp bergenimen áripteteri qarsylastyń qaqpasynan sańylaý taba almady. Syrttaı qaraǵanda Baýyrjannyń ózine de sáttilik jetispeı júrgendeı kórinedi. Biraq, odan qazaqtar da, arabtar da zor úmit kútedi.  

Buǵan deıin de fýtbolshymyz Almatynyń «Qaıratynda» júrgende ıa bolmasa Ulttyq qurama kezdesýlerinde alańǵa shyqsa erekshe oıynymen elitip áketetin. Sondyqtan da bolar kópshilik onyń oıynyn unatady. Árkez qoldaý bildiredi. О́ıtkeni, ol el namysy synǵa túsken ár oıynda demikpeı, bar sheberligin salyp oınaıtyn birden bir fýtbolshymyz. Sondyqtan kásibı mansabyna sátti jalǵassa eken deımiz. Jortqanda jolyń bolsyn, Baýyrjan!

Myna vıdeodan arab kommentatorynyń Baýyrjan Islamhandy "Islam, Islam..." dep janushyra qoldaǵan sátin tamashalaı alasyz.  

Sońǵy jańalyqtar

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Qıyrdaǵy qaıyrymdy qazaq

Qoǵam • Búgin, 06:45

Mýzykalyq mádenıet – mektepten

Rýhanııat • Búgin, 06:36

Turǵyndardyń talap-tilegi taldanady

Aımaqtar • Búgin, 06:30

Azııanyń úzdigi atandy

Aýyr atletıka • Búgin, 06:30

Kúnine bir jaqsylyq jasa!

Rýhanııat • Búgin, 06:27

Shákirtteri birinshi oryndy bergen emes

Aımaqtar • Búgin, 06:25

Mýzeı qory tolyqty

Rýhanııat • Búgin, 06:23

О́tinishter partııa nazarynda

Aımaqtar • Búgin, 06:20

Jańa jolda júz aqaý

Qoǵam • Búgin, 06:17

Qurylysty aıaqtaýǵa kepildik bar

Qoǵam • Búgin, 06:17

«Klassıkter» úshinshi oryn aldy

Sport • Búgin, 06:15

Almaty, 1921 jyl, 8 maýsym

Rýhanııat • Búgin, 06:12

Jańa energııa blogy iske qosylady

Ekonomıka • Búgin, 06:00

Qaıran, Qumsaı!..

Rýhanııat • Búgin, 05:31

Soltústik shuǵylasy

Rýhanııat • Búgin, 05:25

Qashqan sarbaz ustaldy

Qazaqstan • Búgin, 05:05

Baqylaý barynsha kúsheıtildi

Saıasat • Búgin, 05:05

Japon ıeni: keshe jáne búgin

Ekonomıka • Búgin, 05:05

Negizsiz tekserý – kásipke kedergi

Aımaqtar • Búgin, 05:05

Joldama úshin judyryqtasady

Kásipqoı boks • Búgin, 05:00

Uqsas jańalyqtar