Kıno • 13 Aqpan, 2020

«Qazaqfılm» rejısser Baný Ramazanovanyń «Kedergilerdi jeńý» derekti fılmin tanystyrdy

47 retkórsetildi

Qazaqstan Respýblıkasynyń Ulttyq kitaphanasynda Ermek Tursynovtyń kınoklýbynda rejısser Baný Ramazanovanyń «Kedergilerdi jeńý» derekti fılminiń tusaýkeseri ótti. Bul týraly Mádenıet jáne sport mınıstrliginiń baspasóz qyzmeti habarlady.

Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» kınostýdııasy «Ata-baba murasy» sıkli boıynsha túsirgen derekti fılmde Keńes Odaǵyndaǵy at sportynyń ańyzyna aınalǵan, 1952 jyly Jambyl oblysynyń qazirgi T.Rysqulov aýdanynda ornalasqan Lýgovoe fermasynda dúnıege kelgen Aqalteke aıǵyry – Absent týraly jáne búgingi Qazaqstandaǵy at sportynyń múmkindikteri baıandalady.

Kartınanyń basty keıipkeri, ataqty sportshy Aleksandr Tıshkov 35 jyldan astam at sportymen aınalysady. Belgili bir jaǵdaılarǵa baılanysty, ol Absentpen qoshtasýǵa májbúr bolady. Biraq, ol, eshteńege qaramastan óz isinen bas tartpaı adal bolyp qaldy. Byltyrǵy jyldyń qyrkúıek aıynda Aleksandr Tıshkov Dos Fantom degen tulpardy jarysqa baptap, bolashaqqa úlken josparlar qurýda.

- Erte zamannan beri qazaqtar shabandoz bolǵan. Halqymyz árdaıym jylqyny qasterlegen. Qazaqstan Respýblıkasynyń memlekettik eltańbasynda da shańyraqtyń eki jaǵynda eki pyraqtyń turýy kezdeısoq emes. Absenttiń jetistigin qaıtalaý, árıne, ońaı emes, biraq ózińizge durys maqsat qoısańyz, kez-kelgen bıikterge jetýge bolady. Túsirilim basynda fılmniń keıipkerleriniń biri Nurıla Turysbekova at sportynyń halyqaralyq sheberi bolǵysy keletinin málimdedi. Onyń tilegi men tabandylyǵy bul armanyn fılmdegi jumysymyz aıaqtalǵansha júzege asyrýǵa múmkindik berdi, - dedi fılmniń rejısseri Baný Ramazanova.

Derekti fılmniń túsirilimi byltyr jazdyń ortasynda Almaty oblysynda, «Degeres» aýylynyń 100 jyldyǵyna oraı uıymdastyrylǵan at jarysy kezinde bastaldy. Sonymen qatar, túsirilim Ońtústik Qazaqstannyń Taraz jáne Shymkent qalalarynda, sondaı-aq Tashkentte (О́zbekstan) jáne «Sverdlov oblysy gýbernatorynyń kýbogy» úshin ótken Búkilreseılik jarystar men halyqaralyq jáne mýnısıpaldy at jarystary ótken Ekaterınbýrg qalasynda (Reseı) jalǵasty.

Tusaýkeserge fılmniń rejısseri jáne ssenarısi Baný Ramazanova men túsirilim toby, basty keıipkerleri – sport sheberine kandıdat Chıngız Malıkajdar, halyqaralyq sport sheberleri Aleksandr Tıshkov pen Nurıla Turysbekova, sondaı-aq «Qazaqfılm» kınostýdııasy ákimshiliginiń ókilderi qatysty.

Csenarıı avtory: Baný Ramazanova, Dıas Kulmaqov

Qoıýshy-rejısseri: Baný Ramazanova

Qoıýshy-operatory: Qýanysh Qurmanbaev

Kompozıtory: Álim Zaırov

Dybys rejısseri: Ilıa Garıev

Redaktory: Ásııa Baıǵojına

Kartınanyń dırektory: Aınur Ahmetjanova

Kórkemdik jetekshisi: Áset Ernazarov

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar