2013 jylǵy 16 sáýir, Astana, Úkimet úıi
«Aksııalarynyń baqylaý paketteri memleketke tıesili memlekettik kásiporyndardy, aksıonerlik qoǵamdardy jáne olardaǵy memlekettik qatysý úlesteriniń mólsheri qatysýshylardyń jalpy jınalysynyń sheshimin anyqtaýǵa memleketke múmkindik beretin jaýapkershiligi shekteýli seriktestikterdi ońtaılandyrý maqsatymen olardyń ákimshilik shyǵystarynyń monıtorıngin júrgizý tetigin anyqtaý týraly» Qazaqstan Respýblıkasy Úkimetiniń 2003 jylǵy 10 aqpandaǵy №145 qaýlysyna ózgerister men tolyqtyrý engizý týraly
Qazaqstan Respýblıkasynyń Úkimeti qaýly etedi:
1. «Aksııalarynyń baqylaý paketteri memleketke tıesili memlekettik kásiporyndardy, aksıonerlik qoǵamdardy jáne olardaǵy memlekettik qatysý úlesteriniń mólsheri qatysýshylardyń jalpy jınalysynyń sheshimin anyqtaýǵa memleketke múmkindik beretin jaýapkershiligi shekteýli seriktestikterdi ońtaılandyrý maqsatymen olardyń ákimshilik shyǵystarynyń monıtorıngin júrgizý tetigin anyqtaý týraly» Qazaqstan Respýblıkasy Úkimetiniń 2003 jylǵy 10 aqpandaǵy №145 qaýlysyna (Qazaqstan Respýblıkasynyń PÚAJ-y, 2003 j., №7, 73-qujat) mynadaı ózgerister men tolyqtyrý engizilsin:
kirispe mynadaı redaksııada jazylsyn:
«Qazaqstan Respýblıkasynyń Úkimeti týraly» 1995 jylǵy 18 jeltoqsandaǵy Qazaqstan Respýblıkasy Konstıtýsııalyq zańy 9-babynyń 8) tarmaqshasyna sáıkes Qazaqstan Respýblıkasynyń Úkimeti qaýly etedi:»;
1-tarmaqtyń 3) tarmaqshasynyń birinshi abzasy mynadaı redaksııada jazylsyn:
«3) aksııalarynyń baqylaý paketteri memleketke tıesili aksıonerlik qoǵamdardyń, olardaǵy memlekettik qatysý úlesteriniń mólsheri qatysýshylardyń jalpy jınalysynyń sheshimin aıqyndaýǵa memleketke múmkindik beretin jaýapkershiligi shekteýli seriktestikterdiń damý josparlaryn jáne memlekettik kásiporyndardyń damý josparlaryn qaraý jáne bekitý kezinde:»;
mynadaı mazmundaǵy 1-4-tarmaqpen tolyqtyrylsyn:
«1-4. Tıisti salalardyń ýákiletti organdary vedomstvolyq baǵynysty memlekettik kásiporyndarǵa qatysty:
1) memlekettik múlikti basqarý jónindegi ýákiletti organmen kelisim boıynsha memlekettik kásiporyndardyń qyzmet túrleri boıynsha arnaıy kólik quraldarynyń tıistilik normatıvterin bekitsin;
2) olardyń quzyretine jatqyzylǵan qyzmet salalary boıynsha avtokólikti arnaıy kólik quraldaryna jatqyzý ólshemderin aıqyndasyn.».
2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S.AHMETOV.
