Aımaqtar • 13 Aqpan, 2020

Premer-Mınıstr: Túrkistandaǵy nysandar qurylysynyń sapaly aıaqtalýyn qamtamasyz etý qajet

32 retkórsetildi

Túrkistan oblysyna jumys sapary aıasynda Premer-Mınıstr Asqar Mamın men oblys ákimi О́mirzaq Shókeev Túrkistanda salynyp jatqan nysandardyń qurylysyn tekserdi.

Jańa áýejaıdyń jáne oǵan aparatyn avtomobıl jolynyń salyný barysymen tanysty. Nysan oblys ortalyǵynan 16 shaqyrym qashyqtyqta ornalasqan jáne bıyl qyrkúıek aıynda paıdalanýǵa beriledi. Termınaldyń ótkizý qabileti jylyna 3 mln jolaýshyny quraıdy dep josparlanýda. 

Jalpy Túrkistan qalasyndaǵy qurylystar ákimshilik-iskerlik jáne rýhanı-mádenı ortalyq bolyp eki aımaqqa bólingen. Ol aımaqtarda qazirgi tańda 15 mádenı-áleýmettik nysan salynyp jatyr. Bul qurylystardy bıyl tolyq aıaqtaý josparlanǵan. Qurylysy júrip jatqan ákimshilik-iskerlik ortalyqta jabyq basseıni bar sport kesheni, 7000 oryndyq stadıon, oqýshylar saraıy, departamentter, basqarmalar úıi,  Kongress holl, sıfrlyq keńse, attraksıondar saıabaǵy syndy 8 nysan bar. Al rýhanı-mádenı ortalyqta Iаssaýı murajaıynyń, «Uly dala» ortalyǵy, qolóner sheberleri ortalyǵyn qaıta jańǵyrtý, ǵylymı-ámbebap kitaphana, drama teatry, Tuńǵysh Prezıdenti saıabaǵy, Arbattyń,  ıaǵnı 7 nysannyń qurylysy júrgizlýde. Budan ózge, «Kerýen-saraıdyń» qurylysy bastalǵan.
Sonymen qatar Túrkistan qalasynda jeke ınvestısııalar esebinen týrısterge laıyqty servıstik qyzmet kórsetetin «Rixos», «Nur-Álem», «Hampton by hilton» atty qonaqúı keshenderi boı kóterýde. Bul nysandardyń qurylysyn aǵymdaǵy jyly aıaqtaý josparlanyp otyr.
Q.A.Iаssaýı kesenesiniń býferlik aýmaǵyndaǵy abattandyrý jumystary da aıaqtalýy tıis.

Úkimet basshysy joǵaryda atalǵan qurylys alańdaryn aralap, Uly Jibek joly Ulttyq qolónershiler ortalyǵy men kelý ortalyǵy ǵımarattarynyń qaıta jóndelý barysyn tekserdi. Árqaısysy 120 bólmeden bolatyn «Rixos Turkestan» jáne «Hampton by Hilton» qonaqúıleriniń, sondaı-aq, «Sembol construction» túrik kompanııasy salyp jatqan, ınvestısııa kólemi 80 mlrd teńge bolatyn «Kerýen-saraı» kópfýnksıonaldy týrıstik kesheniniń qurylysymen tanysty.

Bıyl kúzde Túrkistanda Túrki tildes memleketterdiń yntymaqtastyǵy keńesiniń sammıtin ótkizý josparlanǵan.

«Tuńǵysh Prezıdent – Elbasy Nursultan Ábishuly Nazarbaev jáne Memleket basshysy Qasym-Jomart Kemeluly Toqaev Túrkistan qalasynyń damýyna erekshe kóńil bóledi. Osyǵan oraı barlyq qajetti nysandardyń qurylysynyń ýaqytyly ári sapaly aıaqtalýyn qamtamasyz etý qajet», — dedi Premer-Mınıstr A. Mamın.

Mańyzdy is-sharaǵa daıyndyq oblys ortalyǵynda bastalyp ta ketken. Mysaly, temirjol vokzaly aldyndaǵy alleıa abattandyrylýda. Aıaqjol tóseý, jaryq kózderin jáne oryndyqtar men qoqys jáshigin ornatý, kishi arhıtektýralyq pishinder qoıý josparlanýda. Sonymen qatar sý uńǵymasy qazylyp, dekoratıvti aǵash kóshetteri otyrǵyzylady, shym tóseletin bolady. Aldaǵy ýaqytta temirjol vokzalynyń ishki júıesi de zamanaýı talapqa sáıkestendirilmek. Qalaǵa kelgen týrıster úshin aqparat alý beketi (resepshn) syndy júıelerdi qoıý kózdelgen. Kúrdeli jóndeýden ótken alleıa Naýryz merekesi qarsańynda paıdalanýǵa beriledi dep josparlanyp otyr.

Sońǵy jańalyqtar

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Eń bastysy – úılesimdi jumys isteý

Saıasat • Búgin, 08:00

Judyryqtaı jumylaıyq

Rýhanııat • Búgin, 07:45

Qurylys salasy turalamaýǵa tıis

Úkimet • Búgin, 07:44

Kásipkerler tilegi eskerildi

Bıznes • Búgin, 07:40

«Moskvanyń» máselesi kóp

Aımaqtar • Búgin, 07:36

Zaýaldy birlik jeńedi

Qoǵam • Búgin, 07:35

Uqsas jańalyqtar