Aımaqtar • 13 Aqpan, 2020

Probasııa esebinde turǵan azamattar kásipkerlikpen aınalysýda

88 retkórsetildi

Qyzylorda oblysynda probasııa qyzmetiniń esebinde turǵan sottalǵandarǵa áleýmettik- quqyqtyq kómek kórsetý jumystary belsendi júrgizilip jatyr.

Sonyń bir dáleli,  Qazaly aýdandyq probasııa qyzmeti men aýdandyq jumyspen qamtý bólimi probasııa esebindegi jumyssyz azamattardy jumyspen qamtý maqsatynda  «Atameken» Ulttyq Kásipkerler palatasynyń «Bastaý Bıznes» jobasy boıynsha bir aılyq «kásipkerlik negizderi» kýrsyn 4 sottalǵan azamatty tegin oqytty. Bir aılyq kýrsty aıaqtap, sertıfıkat alǵan S. esimdi azamatqa  jańadan bastaǵan kásipti qoldaý  maqsatynda «Nátıjeli jumyspen qamtý jáne jappaı kásipkerlikti damytýdyń» 2017-2021 jyldarǵa arnalǵan memlekettik baǵdarlamasy aıasynda  252 500  teńge qaıtarymsyz grant berildi. Jeke káisbin  aǵash óńdeý sehyn ashýdan bastaǵan azamat Qazaly  aýdanynda kásibin dóńgeletip otyr. Qazirgi tańda keńse ústelderine, úı jıhazdaryna tapsyrystar alǵan. Ázirge ózi ǵana jumys jasaıdy.

«Biz sııaqty aıaǵyn shalys basqan azamattarǵa memlekettiń berip otyrǵan osy múmkindigin ýaqyt joǵaltpaı tıimdi paıdalanyp, «Bastaý Bıznes» jobasyn tegin oqyp sertıfıkat aldym. Memleketten qaıtarymsyz 252 500 teńge grant  berdi. Aǵash óńdeý sehyn ashsam degen maqsat boldy. Kásibimdi ashyp, tapsyrystar qabyldap jatyrmyn. Osynshama kómek berip jatqan memleketimizge, Prezıdentimizge rahmet, bizdi qoǵamnan sottalǵan dep bólmeı,  kómek berip jatqanyna »  dedi  probasııa esebinde turǵan S esimdi azamat.

Al, sertıfıkat alǵan  3 sottalǵan azamat óz kásibin ashý maqsatynda nesıe alý úshin tıisti qujattar daıyndaý ústinde.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar