Rýhanııat • 13 Aqpan, 2020

«Jambyl Jabaev - Uly dala aqyny» atty kitap túrik tiline aýdaryldy

185 retkórsetildi

Qazaqstannyń Túrkııadaǵy Elshiligi, Kechıóren mýnısıpalıteti jáne Eýrazııa jazýshylar odaǵy uıymdastyrýymen Myrzataı Joldasbekovtyń «Jambyl Jabaev - Uly dala aqyny» atty kitabynyń túrikshe aýdarmasynyń tusaýkeseri ótti.

Jambyl Jabaev týraly kitapty Qazaqstannyń Túrkııadaǵy Elshiligi, Kechıóren mýnısıpalıteti jáne Eýrazııa jazýshylar odaǵy túrikshege aýdarǵan edi.

Jyr dúldúli Jambyl eske alynǵan alqaly keshke Qazaqstannyń Túrkııadaǵy Elshisi Abzal Saparbekuly, Kechıóren mýnısıpalıteti basshysy Týrgýt Altynok, Eýrazııa jazýshylar odaǵy tóraǵasy Iаkýb О́meroǵlý, Túrksoı Bas hatshysynyń orynbasary Bılal Chakydjy, EkoEýrazııa qaýymdastyǵy tóraǵasy Hıkmet Eren, depýtattar, dıplomatııalyq mıssııa ókilderi, qazaqstandyq jastar men jergilikti halyq qatysty.

Keshtiń ashylý saltanatynda sóz sóılegen Kechıóren mýnısıpalıteti basshysy T.Altynok tarıhymyzdyń tereń qoınaýynan bastaý alǵan baýyrlastyǵymyz barlyq salalarda damyp kele jatqanyn tilge tıek etip, táýelsizdik jyldarynan bastap Elbasy N.Nazarbaevtyń túbi bir túrki halyqtarynyń yntymaqtastyǵyna qosqan úlesin atap ótti. Jambyl Jabaevtyń qazaq halqynyń mádenıeti men rýhanııatynyń aırylmas bólshegi ekendigin basa aıtqan T.Altynok eki el arasyndaǵy yntymaqtastyqtyń mańyzyna toqtaldy.

Jyr alyby týraly kitaptyń túrikshe aýdarmasynyń úılestirýshisi  Iа. О́meroǵlý Jambyl Jabaev shyǵarmashylyǵyn zertteýge mol úles qosqan professor Myrzataı Joldasbekov shyǵarmalarynyń tereńdigine toqtala otyryp, qazaq ádebıeti týraly oı órbitti. Ataýly eńbek arqyly túrik oqyrmandarynyń qazaq halqyn jańa qyrynan tanıtyndyǵyna nazar aýdarǵan Jazýshylar odaǵy tóraǵasy kitaptyń jaryqqa shyǵýyna úles qosqan barshaǵa alǵysyn bildirdi.

Kesh barysynda Ankara Hadjy Baıram Ýálı ýnıversıtetiniń oqytýshysy Djemıle Kynadjy jáne aýdarmashy Ýfýk Týzman qazaq ádebıeti, túrkitildes halyqtar mádenıetiniń uqsastyqtary jáne ádebı shyǵarmalardy aýdarý jumystary týraly taldamalyq baıandama jasady.

Sondaı-aq saltanatty shara sońynda júzge jetkenshe júreginen jyr saýlaǵan ultymyzdyń uly jyraýy Jambyl Jabaevtyń jyrlary «Otaý» túrki áleminiń án men bı qoǵamdastyǵy kúıshisiniń oryndaýymen keshti ásem áýenmen terbeletti.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar