Qazaqstan • 13 Aqpan, 2020

Elordanyń eki aqyly ýchaskesinde jappaı jol-kólik oqıǵasy boldy (vıdeo)

855 retkórsetildi

Abyraı bolǵanda, qaza bolǵandar joq. Birinshi apat 2020 jyldyń 13-aqpanynda shamamen 15:00-de «Shýchınsk-Nur-Sultan» baǵytynda bolǵan. Bul týraly «QazAvtoJol» UK» AQ Baspasóz qyzmetiniń basshysy habarlady.

Nur-Sultan baǵytyndaǵy 36-shaqyrymda 20-ǵa jýyq avtokólik ózara soǵyldy. Qazirgi sátte oqıǵa ornynda 8 avtokólik qalǵan, qalǵandary saparlaryn jalǵastyrdy.

Qarsy baǵytta, 37-shaqyrymda 16 avtokólik ózara soǵyldy. Munda 5 adam jaraqat alǵan. Onyń ishinde 2 jasar bala da bar. Búldirshindi jedel járdem, al jaraqat alǵan eresek azamattardy jeńil avtokólikter aýrýhanaǵa jetkizdi. Atalmysh ýchaskede 9 arnaıy tehnıka (3 quramdastyrylǵan jol mashınasy, 3 tıegish, 2 avtogreıder men 1 ekskavator) jumys jasaýda.

Úshinshi jol-kólik oqıǵasy «Nur-Sultan-Temirtaý» avtojolynyń 1408-shaqyrymynda saǵat 16:00 mańynda boldy. Shoqaı eldi mekeniniń qasynda bolǵan apatta 15 kólik ózara soǵyldy. Onyń ishinde 3 júk mashınasy, 2 gazel, 10 jeńil kólik bar. Bul ýchaskede 9 arnaıy tehnıka (2 quramdastyrylǵan jol mashınasy, 3 tıegish jáne 4 avtogreıder) jumys istep jatyr. Barlyq apattar kórý qashyqtyǵy kúrt tómendegen lokaldy aımaqtarda bolǵan.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar