Tıisti qyzmetterdiń qarǵynǵa qarsy is-áreketterin halyqqa jetkizý maqsatynda oblystyq Tótenshe jaǵdaılar departamentiniń baspasóz qyzmetiniń ókili Evgenıı Jýravlevqa habarlasqan edik.
Onyń aıtýyna qaraǵanda, ázirge soltústikte eshqandaı shuǵyl daıyndyq joq, tek qar shyǵarý jumystary men tehnıkalardy daıyndaý sharalary ǵana júrgizilip jatyr eken. Sonyń ishinde jedel áreket etý úshin oblys aýmaǵynda quramynda 484 adam, 155 birlik tehnıka, 8 birlik júzý quraldary jáne 72 birlik motopompa bar ishki ister organdary arasynan kúshter toby qurylǵan. Al jergilikti atqarýshy organdar tarapynan, aldyn ala derekter boıynsha kóktemgi kezeńge jeke quramnan 1619 adam, 1163 birlik tehnıka, onyń ishinde 299 birlik sý sorǵysh tehnıka, 109 birlik aýyr ınjenerlik tehnıka jáne 83 birlik júzý quraldary, janar-jaǵarmaı jáne ınertti materıaldar, qaptar daıyndalypty.
Aıta qalarlyq sharanyń qatarynda 6637 áskerı bóliminde tótenshe jaǵdaıda zardap shekkenderge kómek kórsetý boıynsha sabaqtar ótkizilgen. Sondaı-aq Ulttyq ulannyń kúshteri jedel kómek kórsetý úshin quramynda 60 adam men 4 birlik tehnıka bar kontıngent bólgen.
Soltústik Qazaqstan oblysy
