Qazaqstan • 14 Aqpan, 2020

«Eńbek» memlekettik baǵdarlamasymen elordalyq 1 212 kásipker isin bastady

28 retkórsetildi

«Eńbek» memlekettik baǵdarlamasy aıasynda ótken jyly 1212 elordalyq grant aldy. Onyń ishinde: Jastar – 858, kópbalaly otbasylar – 6, múgedekter – 59, AÁK alýshylar – 33 adam óz bıznesin iske qosty. Bul týraly Nur-Sultan qalasy ákimdiginiń baspasóz qyzmeti habarlady.


Memlekettik baǵdarlama eńbek naryǵynda suranysqa ıe kásibı daǵdylar men biliktilik alýdyń tıimdi júıesin qurýǵa, jappaı kásipkerlikti damytýǵa, halyqtyń áleýmettik osal toptaryn qoldaýdy qosa alǵanda, eńbek deldaldyǵynyń tıimdi modelin qurýǵa baǵyttalǵan.

Atalmysh baǵdarlama negizinde kásibin dóńgeletken adamdardyń biri – Artem Areshkın. Ol ótken jyldyń sáýirinde Halyqty jumyspen qamtý ortalyǵyna júginip, jańa bıznes-ıdeıalardy iske asyrý úshin memlekettik grant baǵdarlamasyna qatysýǵa sheshim qabyldady. Osylaısha, «Elektrotehnıkalyq jáne montajdaý jumystary» bıznes-ıdeıasyn usynyp, 252 500 teńge kóleminde grant aldy. Búgingi kúni jas kásipkerdiń Retro Light qyzmetteri naryqta suranysqa ıe.

Sondaı-aq baǵdarlama baǵyttary boıynsha joǵary oqý ornyn bitirgen jastarǵa da qoldaý kórsetiledi. Eki jyl buryn Aınur Muqashova S.Seıfýllın atyndaǵy Qazaq agrotehnıkalyq ýnıversıtetin sáýlet mamandyǵy boıynsha támamdaǵan. «Men ótken jyldyń 4 aqpanynda Halyqty jumyspen qamtý ortalyǵyna júgindim. «Eńbek» memlekettik baǵdarlamasy aıasynda ótinish bildirgen kúni «Grýppa kompanıı Tabys Plıýs» JShS jastar tájirıbesin ótýge jiberildim. Qazir, mine, sáýletshi retinde jumys istep jatyrmyn. Sol úshin alǵys bildiremin, óıtkeni osy baǵdarlama tájirıbe alýǵa jáne keıinnen mamandyǵy boıynsha jumysqa ornalasýǵa múmkindik berdi», dedi ol. Odan bólek, «Eńbek» baǵdarlamasy aıasynda bolashaq kásipkerlerge shaǵyn nesıe beriledi.  

«Men ýnıversıtetti bitirgen soń otbasylyq bıznesti odan ári damytýdy sheshtim. «Eńbek» memlekettik baǵdarlamasy týraly bilgennen keıin kásipkerlik qyzmet negizderine oqytý kýrsyna jazyldym. Avtobólshekterdi satý naryǵyn zerdeleı otyryp, óz isimdi keńeıtýdi uıǵardym. Osylaısha, saýda jasaý úshin shaǵyn nesıe aldym. Qazirgi ýaqytta qala boıynsha 3 saýda núktemiz jumys isteıdi, bıznes turaqty tabys ákeledi. Avto bólshekter men satylymdarǵa degen suranys ósýde. Sondaı-aq bıznesti keńeıtý oǵan halyq úshin jańa jumys oryndaryn ashýǵa múmkindik berdi», dedi kásipker Baqyt Qajymuqan.

Aıta ketsek, osy jyldyń 1 qańtarynan bastap ónimdi jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyna jańa engizilimder kúshine endi.

Qazirgi kezde kásiptik oqytý oqytylǵan adamdardy jumysqa ornalastyrýǵa kepildik beretin jumys berýshilerdiń ótinimderi boıynsha júzege asyrylady.⠀Sondaı-aq kópbalaly jáne tabysy az otbasy múshelerin kásipkerlikke tartý úshin olarǵa mıkrokredıtter jyldyq 4% - dan aspaıtyn paıyzdyq mólsherlememen 7 jylǵa deıingi merzimge beriletin bolady.⠀

Jańa erejege saı, halyqtyń barlyq sanattary úshin biryńǵaı memlekettik granttardyń mólsheri 200 AEK-ti qurady. Sonymen birge kópbalaly jáne tabysy az otbasylardyń músheleri aldyn ala oqytýsyz grant alýǵa quqyly.⠀

Osy jyldan bastap jastar tájirıbesine «Birinshi jumys orny» jáne «Urpaqtar kelisimsharty» jobalary engizildi. Birinshi joba boıynsha 29 jastan aspaǵan, onyń ishinde NEET sanatyndaǵy azamattarǵa, jumys tájirıbesi joq, bilim berý uıymdarynyń túlekterine, eńbekke jaramdy múgedekterge birinshi jumys ornyna jumysqa ornalasýǵa múmkindik beriledi. Ekinshi joba zeınetkerlik jasqa jetken jumys isteıtin qyzmetkerdi keıinnen aýystyra otyryp, jumysqa ornalastyrýdy kózdeıdi.


Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar