Qazaqstan • 14 Aqpan, 2020

Aýa raıyna baılanysty elordadan birqatar baǵytta joldar jabyq tur

49 retkórsetildi

Aýa raıynyń kúrt qubylýyna baılanysty elordalyq Tótenshe jaǵdaılar departamenti Nur-Sultan - Qabanbaı batyr baǵytynan basqa barlyq tas joldardyń jabylǵandyǵyn málimdedi, dep habarlady qala ákimdiginiń baspasóz qyzmeti.


Tótenshe jaǵdaılar departamenti elorda turǵyndary men qonaqtaryna qala syrtyna sapar jasamaýdy, jol erejesin saqtap, aýa raıynyń ózgerýi men engizilgen shekteýler týraly aqparatty qadaǵalaýdy usynady. Joldyń jabylýy týraly aqparatty «112» qyzmeti «Smart Astana» qosymshasy arqyly habarlaıdy, sondaı-aq azamattar engizilgen shekteýler jaıly «Darmen» qosymshasy arqyly bile alady.

Qosymshany Playmarket nemese Appstore arqyly tegin kóshirip alýǵa múmkindik jasalǵan. Qazgıdromet derekteri boıynsha 14 aqpan kúni elordada aýa raıy qubylmaly, kúnniń ekinshi jartysynda qar jaýýy yqtımal. Jel ońtústik-batystan 9-14 m/s jyldamdyqta uıytqıdy.

Qutqarýshylar astanalyqtarǵa borannyń basylýyn ǵımaratta kútýdi eskertedi.  Eger azamat jolda bolsa, onda tek tas joldyń boıymen qozǵalýy shart. Kólikten shyqqan kezde odan uzaq qashyqtyqta ketpeý usynylady.

Aqaý shyǵyp nemese joldyń kórinýi nasharlaǵanda tas joldyń jıeginde toqtap, dabyl belgisin berý kerek jáne kapotty kóterip, antennaǵa kózge túsetin ashyq tústi matany ilgennen soń, avtokóliktiń ishinde otyryp kómekti kútýi qajet. Tótenshe jaǵdaı týyndaǵan kezde «112» telefonyna qońyraý shalý kerektigin aıta ketken jón.


Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar