Sport • 14 Aqpan, 2020

Dıas Dosqaraev Qazaqstan tennıs federasııasynyń vıse-prezıdenti qyzmetinen ketti

100 retkórsetildi

Dıas Dosqaraev shetelde bilim alýyna baılanysty Qazaqstan tennıs Federasııasynyń vıse-prezıdenti qyzmetinen ketti, dep habarlady QTF baspasóz qyzmeti.

Dosqaraev tennıs federasııasyndaǵy mansap jolyn 2011 jyly «Team Kazakhstan» Akademııasynyń basqarýshysy retinde bastaǵan. Keıinnen atqarýshy dırektor bolyp jalǵastyrdy, al 2016 jyldan beri Federasııa vıse-prezıdenti qyzmetin atqardy.  

El ishilik jáne birqatar halyqaralyq iri týrnırdiń birneshe dúrkin chempıony atanǵan tanymal qazaqstandyq tennısshi kásibı bapker retinde de aıtarlyqtaı úlken jetistikterge qol jetkizdi.  Alty jyl boıy Devıs Kýbogy men Federasııa Kýbogynda ulttyq quramanyń kapıtany boldy.

«Federasııada qyzmet atqarǵan jyldar meniń ári tulǵa, ári kásibı basqarýshy retinde qalyptasýyma úlken áserin tıgizdi. Dál osy jerde meniń mansabym qarqyndy ilgeri júrip, basqarýshy retinde óstim. QTF Prezıdenti Bolat О́temuratovqa alǵysym sheksiz. 2011 jyly qarapaıym bapker bolǵan kezimde maǵan senim artyp, daryndy jastardy damytýǵa baǵyttalǵan Federasııanyń eń mańyzdy jobasy – «Team Kazakhstan» Akademııasyn basqarýdy tapsyrdy. Keıinnen Bolat Jámituly búkil qyzmetim barysynda keńes berip, baǵyttap turdy, tıimdi basqarýǵa jáne bıik nátıjelerge qol jetkizýge daǵdylady. Ol meniń naǵyz ustazym boldy, onyń mol tájirıbesi men joǵary bedeli árdaıym durys basqarýshylyq sheshimderdi qabyldaýǵa kómektesti. Men ulttyq tennıstiń qarqyndy damýyna atsalysqanymdy maqtan tutamyn jáne jaqyn bolashaqta álem tennısinde jańa juldyz týyp, Qazaqstannyń Úlken Dýlyǵa týrnırinde óz chempıony bolatynyna senimdimin», deıdi D.Dosqaraev.

Sonymen qatar Bolat О́temuratov Dıas Dosqaraevqa atqarǵan qyzmeti úshin alǵysyn bildirip, onyń jumysqa degen qushtarlyǵy men berilgendigin, sondaı-aq, Qazaqstanda tennıs salasynyń aýqymdy damýyna, halyqaralyq deńgeıde qalyptasýyna zor úles qosqandyǵyna óz rızashylyǵyn bildirdi.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar