Qyzylorda qalasynda áke óz balasyna pyshaq salyp óltirdi. Bul týraly oblystyq ishki ister departamentiniń baspasóz qyzmeti deregine súıengen «QazAqparat» tilshisi habarlady.
«Tamyz aıynyń 7-si kúni oblystyq medısına ortalyǵynyń kezekshi dárigeri jansaqtaý bólimine er azamattyń pyshaq jaraqatymen túsip, jan tapsyrǵandyǵy jóninde Qyzylorda qalalyq ishki ister basqarmasyna habarlasqan. Polısııa qyzmetkerleri tekserý barysynda aýrýhanaǵa túsken azamattyń oblys ortalyǵynyń turǵyny ekenin anyqtady», - delingen habarlamada.
Ústimizdegi jylǵy 4 tamyz kúni 1955 jyly týǵan áke men 1977 jyly týǵan bala ózara janjaldasyp qalady. Ashýǵa býlyqqan áke balasyn pyshaqpen urǵan. Osy jaraqatymen aýrýhanaǵa túsken jábirlenýshi kóp uzamaı kóz jumǵan.
Qazirgi tańda kúdikti áke ustalyp, qamaýǵa alyndy. Tergeý amaldary júrgizilýde.
Murat Aıtqoja.
