Ońtústik Qazaqstan • 14 Aqpan, 2020

Túrkistan: Áleýmettik qamsyzdandyrý salasyna ótken jyly 82 mlrd teńge qarastyrylǵan

116 retkórsetildi

Túrkistan oblysynda tabıǵı ósim joǵary, halyq tyǵyz ornalasqan. Bul óz kezeginde áleýmettik salanyń basty nazarda bolýyn mindetteıdi. Halyqqa esep berý kezdesýinde oblys ákimi О́mirzaq Shókeev áleýmettik qamsyzdandyrý salasyna 2019 jyly 82 mlrd teńge qarastyrylǵanyn atap ótti.

О́ńir turǵyndaryn jumyspen qamtý maqsatyndaǵy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamalarmen 96 myńǵa jýyq adam qamtylyp, jospar 20,6%-ǵa artyǵymen oryndalǵan. «Osy baǵdarlama aıasynda birinshi ret óz isin ashýǵa nıet bildirgen 8 myńǵa jýyq azamatqa 200 aılyq eseptik kórsetkish mólsherinde memlekettik grant usynylyp, jeke isin ashýǵa múmkindik berildi», dedi oblys ákimi.

Sondaı-aq byltyr az qamtylǵan otbasylardy áleýmettik qoldaý boıynsha aýqymdy jumys júrgizilgen. Ataýly áleýmettik kómekke 70mlrd teńgeden astam qarajat bólingen. Bul soma ózge jyldarmen salystyrǵanda anaǵurlym qomaqty. Sonyń nátıjesinde oblys halqynyń úshten bir bóligi nemese ár otbasy orta eseppen aıyna 100-120 myń teńge kóleminde áleýmettik kómekpen qamtylǵan. «Kómek alýshylardyń 60 paıyzy kópbalaly otbasylar sanatynan. Osyndaı qoldaýdyń arqasynda 6 690 otbasy áleýmettik kómek esebinen óz isin ashýǵa jáne óz tabysyn arttyrýǵa múmkindik alyp, 43 myń jumyssyz azamat ataýly áleýmettik kómek aıasynda jumyspen qamtyldy», dedi О́mirzaq Shókeev.

Bıylǵy jyly áleýmettik qoldaýda eleýli ózgerister engizilgeni málim. Qazirdiń ózinde jańa ózgerister boıynsha 100 myńnan astam otbasy járdemaqy alǵan.

Aıta keteıik, Túrkistan oblysynyń ákimi О́mirzaq Shókeev 2019 jyldyń qorytyndysy boıynsha halyq  aldynda esep berý kezdesýi ótip jatqanyn habarlaǵan bolatynbyz.  

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar