Úkimet • 14 Aqpan, 2020

Asqar Mamın Alı ben Ahmed ál-Kaýarımen kezdesý ótkizdi

158 retkórsetildi

Premer-Mınıstr Asqar Mamın Katar memleketiniń saýda jáne ındýstrııa mınıstri Alı ben Ahmed ál-Kaýarı bastaǵan delegasııany qabyldady. Bul týraly Premer-Mınıstrdiń baspasóz qyzmeti habarlady.

Alı ben Ahmed ál-Kaýarı Qazaqstan Úkimetiniń basshysyn joǵary deńgeıdegi V Qazaqstan–Katar birlesken komıssııasynyń sarapshylyq toby otyrysynyń qorytyndylary týraly habardar etti.

Úkimet basshysy saýda-ekonomıkalyq, ınvestısııalyq, qarjy-bank, aýyl sharýashylyǵy jáne basqa da salalardaǵy yntymaqtastyqty damytýǵa eleýli áleýettiń bar ekenin atap ótti. 

Elderdiń arasynda vızasyz rejım ornatylǵan, jaqynda Nur-Sultan men Doha arasynda tikeleı reısterdi iske qosý josparlanǵan. Odan keıin astanalar arasynda ǵana emes, sondaı-aq Almaty men Doha arasynda aptasyna 7 ret jıi reıster oryndala bastaıdy. 

Taraptar bıyl naýryz aıynda Qazaqstanǵa Katar sheıhi ámir Tamım ben Hamad ál-Tanıdiń kelýin, sondaı-aq saýda-ekonomıkalyq, ınvestısııalyq jáne qarjy-bank salalaryndaǵy ózara is-qımyl perspektıvalaryn talqylady. 

Kezdesýge Qazaqstannyń ulttyq ekonomıka mınıstri R. Dálenov, Katar memleketindegi Qazaqstannyń tótenshe jáne ókiletti elshisi A. Shoqybaev qatysty.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar