«Aýyz sý boıynsha qaladaǵy 81 eldi mekenniń 63-i tolyq qamtylǵan, 10-y jartylaı, 8 eldi mekeni tasyp ishedi. Qamtylýy 94,7%. Halyqty aýyz sýmen qamtý úshin ótken 3 jylda 31 myńnan astam turǵyny bar 9 eldi mekenge aýyz sý qubyry tartylǵan. Qazirgi tańda qalanyń soltústik bóligindegi jańa shaǵynaýdandardy damytýǵa aýyz sýdyń qýaty jetispeıdi. Bul máseleni sheshý úshin 3 magıstraldy qubyr salýymyz qajet. Bıylǵy jyly qalalyq bıýdjetten 8 eldi mekendi sýmen qamtıtyn 2 magıstraldy sý qubyrynyń qurylysy júrgiziledi. Sonymen qatar, shalǵaıdaǵy 5 eldi mekendi sýmen qamtıtyn magıstraldy sý qubyrynyń qurylysy júrgizilýde. Aldaǵy 3 jyl ishinde jartylaı qamtylǵan 10 eldi meken jáne qalaǵa jetispeıtin magıstraldy sý qubyrlaryn tartýdy josparlap otyrmyz», dedi M.Áıtenov.
Budan bólek, qala basshysy osy jyly 100 myńnan astam halqy bar 7 eldi mekendi qamtıtyn Arǵynbekov - Jibek joly magıstraldy káriz júıesiniń qurylysyna 850 mln. teńge bólingenin jáne 3 jyldyq jospar boıynsha 26 km káriz kollektorynyń jáne qýaty 150 myń metr kýb. tazartý qondyrǵysynyń qurylysyn kezeń-kezeńimen salý josparlanyp jatqanyn málim etti. Iаǵnı, aldaǵy ýaqytta 13 eldi meken káriz júıesine qosylyp, kollektordyń qabyldaý qýaty artpaq Osylaısha, káriz júıesimen qamtý kórsetkishi 49 paıyzdan 59 paıyzǵa jetpek. Al, qala turǵyndaryn kógildir otynmen qamtý maqsatynda bıylǵy jyly respýblıkalyq bıýdjetten qýaty saǵatyna 250 myń metr kýb quraıtyn №3-shi AGRS qurylysy bastalmaq. Qurylysy 2022 jyly aıaqtaý josparlanýda.
Sońǵy 3 jyldyń ishinde turǵyndardy sapaly elektr jaryǵymen qamtý maqsatynda 10 eldi mekenge elektr jelisi jáne 2 podstansanyń qurylysy salynǵan. Búginde Shymkent qalasynda turǵyndardy sapaly elektr energııasymen qamtý deńgeıi 93 paıyzdy quraıdy. Qazirgi tańda, qalanyń solústik bóligine elektr energııasynyń qýaty jetispeýde. Osy máseleni sheshý úshin qýaty 220 kV Bozaryq podstansasynyń qurylysy júrgizilýde. Aǵymdaǵy jyly paıdalanýǵa berý josparlanýda. Sonymen qatar eki podstansanyń qurylystary júrgizilýde (qýaty 110 kV «Aqjar» jáne «1-M-1»). Olar kelesi jyly paıdalanýǵa beriledi. Nátıjesinde, qýaty 110 kV quraıtyn tórt («Astana-1», «Astana-2», «1-M-1», «Aqjar») podstansa iske qosylyp, elektr qýatymen qamtý 180 MVt-tan 300 MVt artady. Bul qalanyń qajettiligin sheshýge múmkindik beredi. Osynyń arqasynda 90 myń halqy bar 30 eldi mekenniń máselesi sheshiledi.
