Taǵaıyndaý • 14 Aqpan, 2020

Qambar Ahmet – «Saryarqa aqparat» medıaholdınginiń bas dırektory

120 retkórsetildi

Áriptesimiz, belgili jýrnalıst, «Egemen Qazaqstan» gazetinde bas redaktordyń orynbasary, keıinnen «Ortalyq Qazaqstan» gazetiniń basshysy qyzmetin abyroımen atqarǵan Qambar Ahmet «Saryarqa aqparat» medıaholdınginiń bas dırektory qyzmetine taǵaıyndaldy.

Eńbek jolyn «Ortalyq Qazaqstan» gazetinde bastaǵan ol ár jyldary «Aiqyn» gazetinde menshikti tilshi, Baq.kz aqparat agenttiginde bas redaktor, «Qazaqstan» RTRK Internet redaksııasynda bas redaktor, Nur Otan partııasynda, Aqparat jáne kommýnıkasııalar mınıstrliginde keńesshi qyzmetterin atqardy. Al «Egemen Qazaqstan» gazetinde bas redaktordyń orynbasary retinde saıasat jáne quqyq bólimderiniń qyzmetin uıymdastyryp, gazettiń óndiristik-shyǵarmashylyq jumystarynyń mańyzdy bóligine jaýapty boldy. 2019 jyldyń qańtarynan búginge deıin Qaraǵandy oblysynyń «Ortalyq Qazaqstan» gazetiniń bas redaktory qyzmetin atqaryp keldi.

Qambar Jumaǵalıuly 1978 jyly Qaraǵandy oblysynyń Aqtoǵaı aýdanynda dúnıege kelgen.

E.A.Bóketov atyndaǵy QarMÝ-dyń túlegi. Jýrnalıstıkadaǵy eńbek jolyn «Balqash óńiri» qalalyq gazetiniń tilshisi qyzmetinde bastaǵan.

2004-2006 jj. Qaraǵandy oblystyq «Ortalyq Qazaqstan» gazetinde tilshi;

2006-2007 jj. Qaraǵandy oblystyq «Balqantaý» gazetinde tilshi;

2005-2008 jj. «Qazaqstan baspasóz klýby» AQ Qaraǵandy oblysy boıynsha ókili;

2007-2014 jj. Respýblıkalyq qoǵamdyq-saıası «Aıqyn» gazetiniń tilshisi;

2010-2013 jj. Baq.kz aqparat agenttiginiń Bas redaktory;

2013-2014 jj. «Qazaqstan» RTRK» AQ Internet jobalar bóliminde Bas redaktor;

2014-2016 jj. Nur Otan partııasy «Elektrondy partııa» medıa redaksııasy ınternet-resýrsynyń basshysy;

2016-2018 jj. Qazaqstannyń Aqparat jáne kommýnıkasııalar mınıstriniń keńesshisi;

2018-2019 jj. «Egemen Qazaqstan» respýblıkalyq gazeti Bas redaktorynyń orynbasary;

2019 jyldan Qaraǵandy oblysynyń «Ortalyq Qazaqstan» gazetinde bas redaktor qyzmetterin atqarǵan.

Qazaqstan Prezıdentiniń Alǵys hatymen, Qazaqstannyń Aqparat jáne kommýnıkasııalar mınıstrliginiń «Aqparat salasynyń úzdigi» tósbelgisimen marapattalǵan.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar