Ońtústik Qazaqstan • 14 Aqpan, 2020

Túrkistan: Sý qubyry múlde joq 43 eldi mekenge sapaly aýyzsý jetkizildi

68 retkórsetildi

Túrkistan oblysynda turǵyndardyń ómir súrý sapasyn jaqsartýdyń negizgi joly retinde aýdan, qalalardyń eldi mekenderinde ınfraqurylymdy damytýǵa erekshe mán berilýde. Osy oraıda, ótken jyly eldi mekenderdi aýyzsýmen qamtamasyz etý maqsatynda, 103 nysannyń qurylysyna 13,7 mlrd teńge qarastyrylǵan.

Bólingen qarjyǵa sý qubyry múlde joq 43 eldi mekenge jańa aýyzsý júıeleri júrgizilgen. «Keńes zamanynan beri ortalyqtandyrylǵan aýyzsý júıesi salynbaǵan Sozaq aýdanyndaǵy 5 eldi mekenge, Shardara aýdanyndaǵy 5 eldi mekenge  aýyzsýmen qamtý boıynsha qurylys jumystary júrgizildi. Sondaı-aq, 12 eldi mekenniń tozyǵy jetken aýyzsý júıeleri jańartyldy. Nátıjesinde, qamtý deńgeıi 80%-dan asty nemese 671 eldi meken aýyzsýmen qamtamasyz etildi. Aǵymdaǵy jylǵa 45 nysannyń qurylysyna 15 mlrd teńgeden astam qarjy baǵyttalyp otyr», dedi oblys ákimi О́mirzaq Shókeev halyqqa esep berý kezdesýinde. Sý qubyrymen qamtylmaǵan 26 eldi mekendi jańa aýyzsý júıelerimen qamtyp, 12 aýyldaǵy tozyǵy jetken sý qubyrlaryn qaıta jańartý josparlanyp otyr.

Sondaı-aq nebári 16%-y káriz júıesimen qamtylǵan Túrkistan qalasynyń ekologııalyq jaǵdaıyn jaqsartý  maqsatynda jan-jaqty taldaý jumystary júrgizilgen. Nátıjesinde qalany 2024 jylǵa deıin  100% káriz júıesimen   qamtamasyz etetin  10 nysannyń jobasy ázirlenip, keshendi josparǵa engizilgen. Al tabıǵı gazben qamtý boıynsha ótken jyly óńirde 54 nysannyń qurylysyna 19 mlrd teńgeden astam qarjy  baǵyttalǵan. 

Bıyl bıýdjetten 18 mlrd teńgeden astam qarjy  qaralyp, 25 nysannyń qurylys jumystaryn júrgizý josparlanýda. Jyldyń sońyna deıin Túrkistan qalasyn gazben tolyǵymen qamtý kózdelip otyr.

Sonymen qatar búgingi kúnge deıin gazǵa qosylmaǵan 78 eldi mekenniń 39 –yna «kógildir otyn» berilgen. Oblys ákimi bekitilgen jol kartasyna sáıkes, 39 eldi meken jyl sońyna deıin «kógildir otynǵa» qosylatynyn málim etti.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar