Aımaqtar • 14 Aqpan, 2020

Respýblıkalyq ǵylymı jobalar baıqaýynda oqýshylarǵa bilim granttary berildi

142 retkórsetildi

Búgin Almatyda Qazaqstan Respýblıkasynyń Bilim jáne ǵylym mınıstrligine qarasty «Daryn» respýblıkalyq ǵylymı-praktıkalyq ortalyǵy jalpy bilim beretin pánder boıynsha respýblıkalyq ǵylymı jobalar konkýrsyn qorytyndylady.

Aqpannyń 11-14 aralyǵynda ál-Farabı atyndaǵy Qazaq ulttyq ýnıversıtetiniń bazasynda ótken baıqaýda Nazarbaev zııatkerlik mektepteriniń shákirtteri, Almaty qalasy men Shyǵys Qazaqstan oblysynyń oqýshylary basymdyq tanytyp, bilim granttaryna ıe boldy.

Baıqaý «Ǵylymı-tehnıkalyq progress – ekonomıkalyq ósýdiń negizgi býyny», «Ekonomıkalyq jáne áleýmettik prosesterdi matematıkalyq modeldeý», «Taza tabıǵı orta – Qazaqstan - 2050 strategııasyn iske asyrýdyń negizi», «Qazaqstannyń tarıhı eskertkishteri jáne bolashaq damýy bar saıahat baǵdarlary» baǵyttary boıynsha uıymdastyryldy.

Oqýshylardy ǵylymǵa qulshyndyrý maqsatynda ótken zııatkerlik saıysqa QR Ulttyq ǵylym akademııasy qoldaý kórsetti.

Marapattaý saltanaty Qazaqstan Respýblıkasynyń UǴA akademıgi, ǵylym men tehnıka salasyndaǵy Qazaqstan Respýblıkasynyń Memlekettik syılyǵynyń ıegeri, konkýrstyń «Ǵylymı-tehnıkalyq progress – ekonomıkalyq ósýdiń negizgi býyny», «Ekonomıkalyq jáne áleýmettik prosesterdi matematıkalyq modeldeý» baǵytynyń jetekshisi Tólegen Ábdisaǵıuly Qojamqulovtyń sózimen ashyldy. Sonymen qatar  Qazaqstan Respýblıkasynyń Bilim jáne ǵylym mınıstrligi atynan mektepke deıingi jáne orta bilim komıtetiniń bas sarapshysy Gúlmıra Qulsarıeva quttyqtady.

Konkýrstyń mektepshilik kezeńine 21 604, ekinshi aýdandyq kezeńinde 7332 oqýshy, oblystyq kezeńine 3381 oqýshy qatysty. Konkýrstyń aqtyq synynda elimizdiń barlyq aımaqtarynan eń úzdik 584 joba usynǵan 737 daryndy oqýshy baq synady.

Konkýrstyń qazylar alqasynyń sheshimimen Qazaqstan Respýblıkasynyń BǴM I dárejeli dıplomdary  jáne altyn medaldarmen 57 jeńimpaz, II dárejeli dıplomdary jáne kúmis medaldarmen 103 júldeger, III dárejeli dıplomdary jáne qola medaldarmen 175 júldeger marapattaldy.

Qazaqstan-Brıtan Tehnıkalyq ýnıversıteti men «Astana IT ýnıversıtet» basshylyǵynyń sheshimimen konkýrstyń júldeger túlekterine jabylý saltanatynda joǵary oqý oryndarynda bilim alý granttary berildi.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar