Aımaqtar • 14 Aqpan, 2020

Áleýmettik qoldaý memleket nazarynda

20 retkórsetildi

Jýyrda Soltústik Qazaqstan oblysyna Eńbek jáne halyqty áleýmettik qorǵaý vıse-mınıstri Erlan Áýkenov jumys saparymen kelip, oblys ardagerlerimen jáne basqa da kezdesýler ótkizdi.

Ol ardagerlerge daıyndalyp jatqan «Ardagerler týraly» zań jobasy týraly aıtty. «Qujat jobasyna qoldanystaǵy zańnama boıynsha ardagerlerge beriletin barlyq jeńildikter men kepildikter shoǵyrlandyryldy. Sonymen birge zań jobasynda áleýmettik turǵydan qorǵalatyn ardagerlerdiń 5 sanaty anyqtalǵan. Aýǵanstandaǵy jáne basqa elderdegi urys qımyldaryna qatysqan áskerı qyzmetshilerdi shet memleketterdiń aýmaǵyndaǵy urys qımyldarynyń ardagerlerine teńestirý jáne olardyń sanattaryn keńeıtý, jaýynger-ınternasıonalıstermen birge Chernobyl qurbandaryn, sondaı-aq Sosıalıstik Eńbek Erlerin áleýmettik qoldaý jónindegi sharalar qarastyrylǵan», dedi ol óziniń sózinde.

Sonymen birge vıse -mınıstr oblys ákimdiginde aýdandar ákimdikteriniń qyzmetkerlerimen ataýly áleýmettik kómek taǵaıyndaý jáne áleýmettik qyzmet kórsetý máseleleri boıynsha selektorlyq keńes ótkizdi. Onda vıse-mınıstr óńirdiń qalalary men aýdandarynda ataýly áleýmettik kómekti taǵaıyndaý, «Qamqorlyq» jol kartasyn, belsendi uzaq ómir súrý baǵdarlamasyn júzege asyrý, «Baqytty otbasy» ortalyǵyn qurý, Áleýmettik qyzmetter portalyn iske asyrý jáne t. b. máseleler boıynsha keńester berdi.

Ol múgedektigi bar adamdardyń ómir súrý sapasyn jaqsartýdyń naqty sharalaryna da toqtaldy. Bul úshin óńirlerge 2020 jyly 80%-ǵa tıimdilik beretin, mańyzdy 18 is-sharasy bar «Qamqorlyq» jol kartalaryn  bekitý usynylǵany aıtyldy. Mysaly, árbir óńirde memlekettik áleýmettik tapsyrysty ornalastyrý jáne memlekettik-jeke menshik áriptestik tetikterin qoldaný esebinen áleýmettik ońaltý ortalyqtaryn ashý josparlanǵan. «Sonymen qatar bıýdjet esebinen barlyq óńirlerde 150 áleýmettik ońaltý ortalyǵyn ashý josparlanýda. Olardyń qurylysy 2020-2021 jyldary Aqmola, Aqtóbe, Almaty, Batys Qazaqstan, Shyǵys Qazaqstan oblystarynda, Nur-Sultan, Almaty jáne Shymkentte bastalady. Elbasynyń «Qamqorlyq» bastamasy aıasynda barlyq óńirlerdiń jalpy bilim beretin mektepterinde ınklıýzıvti qoldaý boıynsha 8 synyp ashý josparlanýda. «Qadamdyq qoljetimdilik» qaǵıdaty negizinde emhanalarda shaǵyn jáne orta medısınalyq ońaltý ortalyqtary ashylady», dedi vıse mınıstr.

Sondaı aq vıse mınıstr halyqty jumyspen qamtý ortalyǵy (HJQO)  men «Januıa» otbasyn qoldaý ortalyǵynda boldy. HJQO-da E.Áýkenov azamattardy jumyspen qamtýǵa járdemdesýdiń belsendi sharalaryna toqtaldy. Oǵan AÁK-ke ótinish berýshilermen jumys júrgiziletin bólme kórsetildi. Aıta ketetin bolsaq, 2020 jyldyń 1 qańtaryndaǵy jaǵdaı boıynsha Soltústik Qazaqstan oblysynda 6 myńǵa jýyq otbasyǵa AÁK tólendi. Sondaı-aq, óńirde qaıyrymdylyq jáne demeýshilik kómek arqyly áleýmettik qoldaý kórsetiledi. О́tken jyly 1,4 mıllıard teńge kóleminde kómek kórsetilgen.

 

Soltústik Qazaqstan oblysy

Sońǵy jańalyqtar

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar