Aımaqtar • 14 Aqpan, 2020

Bostandyq aýdanynyń ákimi aldaǵy jumys josparyn tanystyrdy

8 retkórsetildi

Almaty qalasy ákimdiginiń baspasóz ortalyǵynda Bostandyq aýdanynyń ákimi Altaı Raqymbetov aýdanda ótken jyly atqarylǵan ister men bıylǵy jyly qolǵa alynatyn jumystar barysyna toqtaldy.

Búginde Bostandyq aýdanynda 29 714 kásiporyn tirkelgen, onyń ishinde iske qosylyp turǵandary – 17 359.

Shaǵyn jáne orta bıznesti qoldaý men damytý úshin«Bıznestiń jol kartasy-2020», «Nátıjeli jumyspen qamtý jáne jappaı kásipkerlikti damytýdyń 2017-2021 jj. arnalǵan «Eńbek» baǵdarlamasy», «Bıznes Bastaý», «Isker Ana» baǵdarlamalary iske asyrylýda.

«Bıznestiń jol kartasy-2020» bıznesti qoldaý jáne damytý memlekettik baǵdarlamasyn iske asyrý barysynda aýdan boıynsha jalpy somasy 9,4 mlrd.teńgege 17 joba sýbsıdııalandy. «Bastaý Bıznes» kásipkerlik negizderi jobasy boıynsha 755 adam oqýdan ótti. Olardyń 418-i óz bıznesin ashý úshin granttardy qorǵady. Kóp balaly otbasylardy qoldaý maqsatynda ótken jyly «Baqytty otbasy» ortalyǵy ashyldy. Osy ortalyqtyń bazasynda «ISKER ANA» jobasyn damytý aıasynda 20 kóp balaly analarǵa demeýshilerdi tarta otyryp, óz bıznesin damytýǵa arnalǵan jabdyqtar satyp alyndy. Sondaı-aq «Almaty Business-2025» kásipkerlikti damytý aımaqtyq baǵdarlamasy aıasynda «Qolday» kásipkerlik ortalyǵy quryldy.

Áleýmettik qorǵaý sharalarymen 6 209 adam qamtyldy, onyń ishinde 4 332 jumysqa ornalastyryldy. Esepti kezeńde halyqtyń áleýmettik osal toptaryn qoldaýda 6 740 adam jalpy somasy 124 mln. teńgeden astam áleýmettik tólem aldy. Onyń ishinde, ataýly áleýmettik kómekti 32,3 mln. teńgege 641 az qamtylǵan otbasy (2 978 adam) aldy.

Densaýlyq saqtaý jáne bilim salasy boıynsha aýdanda 32 medısınalyq mekeme jumys isteıdi, onyń ishinde memlekettik tapsyrys boıynsha jumys isteıtin 7 jeke menshik. Sondaı-aq, 200-den astam jeke menshik Densaýlyq saqtaý uıymdary bar. Aýdan boıynsha Memlekettik mekemelerdiń medısınalyq jabdyqtandyrylýy 84,6% quraıdy. Halyqty medısınalyq qyzmettermen qadamdyq qoljetimdi qamtamasyz etý maqsatynda 2019 jyly qalalyq stýdenttik emhana Nur-Múbarak ýnıversıtetinde jáne Almaty qurylys jáne halyq kásipshiligi kolledjinde 2 dárigerlik ambýlatorııa ashty.

Aǵymdaǵy jyldyń 2-shi toqsanynda 3 ambýlatorııa ashýdy josparlanyp otyr: «Balalarǵa shuǵyl medısınalyq kómek kórsetý ortalyǵy» úshin qabyldaý bólimshesi; «Qalalyq balalar klınıkalyq juqpaly aýrýlar emhanasy» ǵımaratyna 70 tósektik qosymsha qurylys; 250 tósektik kóp salaly aýrýhana onkoortalyqpen; «Ortalyq qalalyq klınıkalyq emhananyń» 3 pavılonyn qaıta jańartý.

Aýdandaǵy jalpy orta bilim berý júıesine 56 uıym kiredi (onyń ishinde 22 jeke menshik jáne 34 memlekettik mektep). Bostandyq aýdany mektepteriniń jobalyq qýaty 25 873 oqýshy ornyn quraıdy. Oqýshylardyń jalpy kontıngenti 42 93. О́tken oqý jylymen salystyrǵanda oqýshylar 4 019ǵa kóbeıgen. Oqýshy oryndarynyń tapshylyǵy 4 270 quraıdy. Oqýshylar oryndarynyń tapshylyǵyn qysqartý úshin mektepterdiń negizgi ǵımarattaryna qosymsha qurylys salý boıynsha birqatar is-sharalar júrgizilýde.

 

ALMATY

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar