Prezıdent • 14 Aqpan, 2020

Prezıdent Germanııanyń iri kompanııalary basshylarymen birqatar kezdesý ótkizdi

34 retkórsetildi

Qasym-Jomart Toqaevtyń jumys sapary Germanııanyń iri kompanııalary basshylarymen –  BayWa AG kompanııasynyń basqarma tóraǵasy Klaýs Lýtspen, Rhenus SE&Co.KG kompanııasynyń basqarma múshesi Mıhael Vıferspen jáne Reverse Logistics Systems GmbH kompanııasynyń basqarma tóraǵasy Patrık Vıdemannmen ekijaqty kezdesýler ótkizýden bastaldy. Bul týraly Aqordanyń baspasóz qyzmeti habarlady. 

Germanııanyń iri aýyl sharýashylyǵy kompanııasynyń basshysy Klaýs Lýtspen bolǵan kezdesýde energııa kózderin qaıta qalpyna keltirý jáne agroónerkásip keshenin sıfrlandyrý salalary boıynsha birlesken ınvestısııalyq jobalardy júzege asyrýdyń perspektıvalary talqylandy.  

Memleket basshysy Qazaqstannyń Germanııa bıznesimen aradaǵy tyǵyz ári jemisti yntymaqtastyqty damytýǵa basa mán beretinin atap ótip, kásipkerdiń nazaryn elimizdegi energııa kózderin qaıta qalpyna keltirý jáne tyńaıtqyshtar óndirý baǵytynyń áleýetin arttyrýdyń mańyzdylyǵyna aýdardy.

– Biz Qazaqstanda jel jáne kún elektr stansııalaryn kóbirek salýymyz kerek, biraq tıisti ınfraqurylym jetispeıdi. Sondyqtan sizdiń kompanııamen tyǵyz seriktestik ornatýǵa zor qyzyǵýshylyq tanytyp otyrmyz, – dedi Prezıdent.

Mıhael Vıferspen áńgimelesý kezinde kólik-logıstıka salasy boıynsha birlesken ınfraqurylymdyq jobalardy iske asyrý perspektıvalary qarastyryldy.

Nemis bıznesmeni Qasym-Jomart Toqaevqa Nur-Sultan men Almaty qalalarynda ókildikteri bar kompanııanyń Qazaqstandaǵy jumysy jáne Qaraǵandyda úshinshi ókildiktiń ashylýy týraly málimet berdi. Kompanııa elimizdiń aýmaǵynda jańa birlesken kólik-logıstıkalyq termınaldy alýǵa jáne iske qosýǵa múddeli ekenin bildirdi.

Memleket basshysynyń Patrık Vıdemannmen ótkizgen kezdesýinde Qazaqstanda bos ydystardy qaıta aınalymǵa jiberýdiń kepildik-qaıtarymdyq júıesi jónindegi jobanyń júzege asyrylý perspektıvalary talqylandy.


«Reverse Logistics Systems GmbH» kompanııasynyń basshysy materıaldar men qaldyq zattardy qaıta óńdeý salasynda tıisti ekojúıe qurý úshin Qazaqstanmen yntymaqtastyq ornatýǵa daıyn ekenin aıtty.

Prezıdent kompanııanyń jumysyn jáne biregeı ázirlemelerin, onyń ishinde bos ydystardy qaıta aınalymǵa jiberý úshin árbir býmaǵa ıdentıfıkator engizý qyzmetin joǵary baǵalady.

Jalpy, kezdesýler aıasynda Qasym-Jomart Toqaev elimizdiń shetelden, sonyń ishinde Germanııadan tartylǵan ınvestısııalardy ártaraptandyrýǵa múddeli ekenin rastady. Ol bıznes ókilderine memleket tarapynan jan-jaqty qoldaý kórsetiletinin jáne birlesken jobalardy júzege asyrý úshin qajetti jaǵdaı jasalatynyn aıtty.

 

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar