Qazaqstan • 15 Aqpan, 2020

Qyrǵyzstannyń eskertýine Qazaqstan jaýap berdi

4226 retkórsetildi

О́tken aptada Qyrǵyzstannyń Ekonomıka mınıstrliginiń saıtynda «Qyrǵyzstan Qazaqstannan DSU sheńberindegi saýda kedergilerin alyp tastaýdy talap etti» degen aqparat jarııalanǵan bolatyn. 

Vedomstvonyń habarlaýynsha, 2019 jyldyń naýryz aıynan bastap Qazaqstan Qyrǵyzstannan tranzıttik taýarlar qozǵalysynda aıtarlyqtaı kidiristerge tap boldy. Buǵan Qazaqstan Respýblıkasynyń kúsheıtilgen tekseristeri sebep bolypty. «2019 jyl ishinde Qyrǵyzstan Qazaqstanǵa resmı jazbasha úndeýler jiberdi jáne DSU alańynda ekijaqty konsýltasııalar ótkizdi. Onda qyrǵyz tarapy qazaqstandyq tarapty kólikterdiń jappaı tolyp ketýiniń synı jaǵdaıymen jan-jaqty tanystyryp, qoldanylǵan saýda kedergilerin alyp tastaýǵa jáne DSU belgilegen erejeler aıasynda áreket etýge shaqyrdy» dep atap ótti kórshi eldiń  ekonomıka mınıstrligi.

Mınıstrlik shekaradaǵy jaǵdaıdyń jaqsarý belgileriniń bolmaýyna baılanysty, 2020 jyly 11 aqpanda Qyrǵyz Respýblıkasy Ekonomıka mınıstriniń orynbasary Eldar Alısherov pen DSU máseleleri boıynsha Ekonomıkalyq ister mınıstrliginiń keńsesiniń basshysy Nurbek Maqsutov DSU-nyń Saýdaǵa járdemdesý komıtetiniń otyrysyna qatysty. Onda sheneýnikter júkterdi tasymaldaý, taýarlardy ınspeksııalaý jáne Qyrǵyz Respýblıkasynyń aýmaǵy arqyly tranzıttik taýarlardy ótkizýdegi qıyndyqtar kezdeskeni sóz boldy.  Qyrǵyzstan Qazaqstannyń ınspeksııalyq organdary ókilderiniń zańsyz áreketterin jarııalady jáne Qyrǵyzstan júk tasymaldaýshylarynyń Qazaqstan aýmaǵyn kesip ótý kezinde ótkizý pýnktterinde taýarlardy tekserýlerdiń ulǵaıýyna baılanysty tap bolǵan qıyndyqtardy egjeı-tegjeıli sıpattap shyqty. Mınıstrliktiń sózine qaraǵanda, Qyrǵyzstan Qazaqstandy DSU aldyndaǵy mindettemelerin qatań oryndaýǵa jáne uıymnyń kelisimderi aıasynda áreket etýge shaqyrdy, sonymen birge jasyryn saýda kedergilerin tez arada joıýdy jáne qyrǵyz júk tasymaldaýshylaryna kedergisiz tranzıttik marshrýttardy usynýdy talap etti.

Keshe Qazaqstannyń Saýda mınıstrliginiń saıty Qazaqstan Qyrǵyzstannyń shaǵymdaryna jaýap bergenin habarlady. Mınıstrlik Qyrǵyzstan kótergen barlyq máseleler elderdiń EAEO-ǵa qatysýmen baılanysty ekenin túsindirdi. Sondyqtan olar ekijaqty nemese odaq sheńberinde  sheshilýi kerek.

Saýda mınıstrligi 2019 jyly Qazaqstan Qyrǵyzstannyń kedendik ákimshiliginiń jetkiliksizdigi Qazaqstan men EAEO-ǵa múshe basqa memleketterdiń bıýdjetiniń QQS jáne kedendik baj salyǵyn shyǵynǵa alyp keldi degen máseleni birneshe ret kótergenin kórshi eldiń quzyrly oryndarynyń qaperine salyp ótti.  «Kezdesý barysynda DSU múshelerine Qazaqstan júrgizgen tekseristerdiń naqty negizdemeleri usynyldy. Bul qujat QQS túsimderiniń tolyqtyǵyn qamtamasyz etý maqsatynda EAEO múshe memleketteriniń aýmaǵynan Qazaqstan Respýblıkasynyń aýmaǵyna ımporttalatyn taýarlarǵa monıtorıng júrgizý, jalǵan tranzıtke qarsy turý, EAEO múshe memleketterdiń aýmaǵyna úshinshi elderden taýarlardyń kirýine jol bermeý, baǵalanbaǵan qun, sondaı-aq taýarlardyń shyǵarylý erejelerin saqtaýdy talap etýdi qamtıdy.   

«2019 jyly Qazaqstannyń memlekettik kirister organdary júrgizgen jumys nátıjeleri boıynsha 2,6 myńnan astam fakt anyqtaldy»,  dep habarlady Saýda mınıstrligi.

Qazaqstan delegasııasy tekserýlerdi EAEO-ǵa múshe barlyq memleketterge qatysty birdeı júrgizip jatqanyn jáne Qazaqstannyń kólikteri de osyndaı tekseristen ótetinin atap ótti. Sondaı-aq, Qazaqstan Respýblıkasynyń ókilderi Qazaqstannyń qoldanatyn barlyq sharalary DSU tarıfteri men saýdasy týraly DSU Bas kelisiminiń 1-babyna, «ulttyq rejım» 3-babyna jáne «tranzıt bostandyǵy» 5-babyna tolyǵymen sáıkes keletindigin atap ótti.

Sonymen qatar, qazaqstandyq delegasııa Qyrǵyzstandy EAEO-ǵa kirgen kezde osy eldiń qabyldaǵan mindettemelerin oryndaýy qajet ekenin eske saldy.  Qazaqstan Respýblıkasynyń delegasııasy qyrǵyz seriktesterin Qazaqstanmen kedendik ákimshilendirýdi jetildirý týraly ekijaqty kelisimderdi, onyń ishinde navıgasııalyq plombalardy qoldaný arqyly Qyrǵyz Respýblıkasynan EAEO múshe elderine Qazaqstan arqyly jiberiletin taýarlardyń tranzıtine birlesken baqylaý kerek ekenin aıtty.

«Biz taýarlardyń qozǵalysyn birlesip baqylaý úshin, sondaı-aq baǵa kórsetkishterin qamtamasyz etý jáne ımport kólemin baqylaý úshin navıgasııalyq plombalardy paıdalaný týraly ekijaqty kelisimderdi oryndaý qajettigin atap ótemiz. О́kinishke qaraı, Qyrǵyzstan bul kelisimderdi oryndaǵan joq. Sondyqtan, Qazaqstan 2019 jyldyń qazan aıynan bastap birjaqty tártipte elektrondyq navıgasııany qoldaný jónindegi jobany júzege asyrýdy bastady. Osy pılottyq jobany qoldaný barysynda   Qazaqstan  Respýblıkasynyń bazarlarynda paıda bolǵan qujattarda kórsetilgen marshrýttan aýytqýdyń 10 faktisi, júk mashınalarynyń osy plombalardy paıdalanýdan bas tartýynyń 26 ​​faktisi, plombalardyń qoldanylmaýynyń 12 faktisi anyqtaldy, bul Qyrǵyz Respýblıkasynyń kelisimderdi oryndaýdy qalamaıtyndyǵyn kórsetedi. Tıisinshe, Qazaqstan ulttyq ekonomıkalyq múddelerge nuqsan keltirmeý úshin baqylaý sharalaryn qoldanýǵa   májbúr»,  dep qorytyndylady Saýda mınıstrligi.

Sońǵy jańalyqtar

Elordada jalpy jaǵdaı turaqty

Koronavırýs • Búgin, 14:50

Fýtbol maýsymy jalǵasa ma?

Sport • Búgin, 14:48

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Eń bastysy – úılesimdi jumys isteý

Saıasat • Búgin, 08:00

Uqsas jańalyqtar