Rýhanııat • 15 Aqpan, 2020

Almatyda «FARABI» on bes tomdyq jınaǵynyń tanystyrylymy ótti

78 retkórsetildi

QR Ulttyq kitaphanasynyń «ál-Farabı» ǵylymı ortalyǵynda belgili jazýshy, dramatýrg Rollan Seısenbaevtyń «FARABI» on bes tomdyq jınaǵynyń tanystyrylymy ótti.

«FARABI» kóp tomdyǵynyń qazaq tilinde jaryq kórgen I tomy «Qaıyrymdy qala», II tomy «Fılosofııalyq traktattar», III tomy «Áleýmettik-etıkalyq traktattar», IV tomy  «Mýzyka týraly úlken kitap», V tomy «Ǵylym týraly kitap», VI tomy «Oı-sana týraly kitap», VII tomy «Ustazdyń oralýyna» arnalady.

«Ábý Nasyr ál-Farabı – uly ǵulama! Ustazdyń shyǵarmalary ultynyń jan júregine jetip, aqylyna tereń sińip, ólmeıtin, óshpeıtin, urpaqtan urpaqqa tarar asyl hám kıeli qundylyǵy bolyp qalady» degen tujyrymdy oılaryn jazýshy  R.Seısenbaev kitap muqabasyna jazypty. Jazýshynyń aıtýynsha,  ál-Farabı – áýlıe tulǵa. Eńbekterin birden oqyp ketý múmkin emes. Desek te, jas býynǵa laıyqtalyp jaryqqa shyqqan eńbekter oqýǵa yńǵaıly, túsinikti etip jınaqtalǵan.  Ál-Farabı atyndaǵy QazUÝ birlesip jasalǵan eńbekke uzaq jylǵy jumystyń jemisi. Alǵysózin Prezıdent Q.Toqaev jazǵan bul eńbekke shetelderdiń kóptegen ǵalymdarynyń eńbekteri jınaldy.

Jınaq uly oıshyl Ábý Nasyr ál-Farabıdiń 1150 jyldyq mereıtoıy aıasynda Mádenıet jáne sport mınıstrligi Til saıasaty komıteti «Mádenıet jáne óner salasyndaǵy básekelestikti joǵarylatý, qazaqstandyq mádenı murany saqtaý, zerdeleý men nasıhattaý jáne muraǵat isiniń iske asyrylý tıimdiligin arttyrý» baǵdarlamasynyń «Ádebıettiń mańyzdy túrlerin satyp alý, basyp shyǵarý jáne taratý» kishi baǵdarlamasy boıynsha Halyqaralyq «Abaı» klýbynyń, ál-Farabı atyndaǵy Qazaq ulttyq ýnıversıtetiniń jáne Álem halyqtary ádebı ýnıversıtetiniń qoldaýymen jaryq kórdi.

Sharaǵa belgili qoǵam qaıratkerleri men zııaly qaýym ókilderi, aqyn-jazýshylar, kitaphana oqyrmandary men BAQ ókilderi qatysty.

ALMATY

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar