Aımaqtar • 15 Aqpan, 2020

Jylyna 500 myń bas iri qara etin óńdeıtin et kombınaty salynýy múmkin

69 retkórsetildi

Almaty oblysynda jylyna 500 myń bas iri qara etin óńdeıtin, shamamen 20 myń jumys ornyn quratyn, quny 300 mln. AQSh dollary bolatyn et kombınaty salynýy múmkin. Bul týraly oblys ákimi Amandyq Batalovtyń amerıkalyq transulttyq «Tyson Foods» kompanııasy men olardyń Qazaqstandaǵy seriktesi óndiristik-ınvestısııalyq «Kusto Group» kompanııasynyń ókilderimen kezdesýi barysynda belgili boldy. Kezdesýde atalǵan jobany óńirde júzege asyrýdyń joldary men múmkindikteri talqylandy, - dep habarlaıdy Almaty oblysy ákiminiń baspasóz qyzmeti.

Áleýetti ınvestorlardy jyly qarsy alǵan Amandyq Batalov, olarǵa Almaty oblysynyń áleýmettik-ekonomıkalyq damýynyń negizgi baǵyttary, sonyń ishinde ınvestısııalyq múmkindikteri, Transulttyq kompanııalarmen birge júzege asyrylyp jatqan jobalar jaıly áńgimelep berdi. Sol sııaqty oblys ákimi ınvestorlarǵa barlyq qajetti qoldaýlar jasalatynyn, óńirde ınvestısııalyq klımattyń qolaıly ekenin de aıtty. Sol sııaqty «Almaty oblysynyń óńirlik damý ortalyǵy» JShS dırektory Tamerlan Razbekov kórsetken oblys jaıly beınetanystyrylymnan da qonaqtar birshama málimet aldy. 

Investorlar atynan sıyr etin óndiretin «Tyson Foods Inc» kásipornynyń aǵa vıse-prezıdenti, bas dırektor Sheın Mıller sóz alyp, eń aldymen jyly qabyldaý úshin jáne jobany júzege asyrýǵa qajetti málimetterdi kóp bergen osy kezdesý úshin alǵysyn bildirdi.

Onyń aıtýynsha, «Tyson Foods» kompanııasynyń aınalymy ótken jyly 42 mlrd. AQSh dollaryna jetken. Kompanııa 4 baǵytqa mamandanǵan, sonyń eń irisi - sıyr etin óńdeý. Kompanııada 140 myńǵa jýyq qyzmetker istese, onyń 38 myńy – et baǵytynda jumys isteıdi.

AQSh-ta kompanııanyń 6 et kombınaty bar, olarda jylyna 7,5 mln. bas iri qara óńdeledi. О́nimderi álemniń 80 eline shyǵarylady.

Kompanııanyń Almaty oblysynda salýǵa nıettenip otyrǵan zaýyty kúnine 2 myń bas iri qara óńdeıtin qýattylyqta bolmaq. Tolyq qýatyna shyqqanda kásiporyn jylyna 500 myń bas iri qara óńdeı alady. Zaýyt eki aýysymmen jumys isteıdi, 4 myńǵa deıin jańa jumys ornyn qurady. Kásiporyn jumysymen jalǵasa júretin bıznesti qosa alǵanda jalpy sany 20 myńǵa deıin jańa jumys oryndaryn qurý múmkindigi bar. Jobanyń jalpy quny 300 mln. AQSh dollaryna baǵalanyp otyr.

Sheın Mıller kompanııanyń iri sharýashylyqtarmen qatar, shaǵyn sharýa qojalyqtarymen de birigip jumys isteýge daıyn ekendigin aıtty.

Jobanyń mán-mazmunyna «Kusto Group» kompanııasy Dırektorlar keńesiniń tóraǵasy Erkin Tatıshev te toqtalyp, óńirdiń mal sharýashylyǵynyń áleýeti osy mańyzdy ınvestısııalyq jobany sátti júzege asyrýǵa múmkindik beretinin aıtty.

Kezdesýdi qorytyndylaǵan Amandyq Batalov:

- Elbasy men Prezıdentimiz Qasym-Jomart Toqaevtyń mańyzdy tapsyrmalarynyń biri - eksportqa baǵyttalǵan óńdeý kásipornyn ashý, jańa jumys oryndaryn quryp, ınvestısııa tartý. Bul baǵytta biz júıeli jumys jasap kelemiz. Buǵan deıin aıtqanymdaı, elimizde Transulttyq kompanııalardyń qatysýymen júzege asyrylyp jatqan 19 jobanyń 9-y - bizdiń oblysta. Et óńdeý salasyn damytý - basty baǵyttarymyzdyń biri. Sondyqtan búgingi sóz bolyp otyrǵan jobanyń is júzinde oryndalýy biz úshin asa mańyzdy. Biz óz tarapymyzdan barlyq qajetti qoldaýlardy kórsetemiz. Bıznesti qoldaýǵa baǵyttalǵan memlekettik baǵdarlamalardyń arqasynda bizde oǵan barlyq múmkindik bar. Kadr daıarlaý isine de kómektesemiz. Qajetti mamandyqtarǵa kadrlardy bıýdjet esebinen oqytýǵa járdem jasaı alamyz. Meniń áriptesterim sizderge kombınatty salýǵa bolatyn oryndardy kórsetedi. Árıne, Taldyqorǵanda sondaı iri óndiris ashylsa keremet bolar edi. Jalpy biz sizderge kóptegen varıanttardy usyna alamyz, sonyń ishinde Almaty óńirinen de qarastyrýǵa bolady, - degen A.Batalov óz orynbasarlaryna jobanyń egjeı-tegjeıin naqtylap, ony júzege asyrý jumystarymen aınalysýdy tapsyrdy.

Amerıkalyq kompanııanyń ókilderi jergilikti kadrlardy AQSh-ta jumys istep turǵan óndiristeriniń bazasynda oqytýǵa ázir ekendikterin aıtty.

Kezdesý sońynda Amandyq Batalov et óńdeý kásiporny «Tyson Foods Inc» kompanııasynyń aǵa vıse-prezıdenti, bas dırektor Sheın Mıllerge Jetisý týraly fotosýretter kitaby men kartına syıǵa tartty.

Kezdesýge QR Aýyl sharýashylyǵynyń vıse-mınıstri Gúlmıra Isaeva, óńirdegi 11 iri sharýa qojalyqtarynyń basshylary, sonyń ishinde «Jaqsylyq», «Hılnıchenko jáne K» ShQ-lary, «Dinara - Rance», «Baıserke Agro», «MPS», «KazMıaso» JShS jáne taǵy basqalary qatysty.

Sońǵy jańalyqtar

Almatyda zerthanalar sany artady

Ońtústik Qazaqstan • Búgin, 17:10

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

Uqsas jańalyqtar