Aımaqtar • 15 Aqpan, 2020

Bıyl BQO-da 1710 páter beriledi

77 retkórsetildi

Batys Qazaqstan oblysynda 26 myńnan asa azamat turǵyn úı kezeginde tur. Munyń ishinde kópbalaly 1700 otbasy bar.

«Halyqtyń turmys jaǵdaıyn, turǵyn úı jaǵdaıyn jaqsartý – bizdiń basym baǵyttaǵy mindetimiz» dedi óńir basshysy Ǵalı Esqalıev.

Batys Qazaqstan oblysynda byltyr turǵyn úı qurylysyna 16 mlrd teńge bólingen. Sóıtip, kezekte turǵandar 595 kvartır páterge ıe boldy. Sonyń ishinde 291 páter – kópbalaly otbasylarǵa berildi. Sondaı-aq 113 januıa «Baqytty otbasy» baǵdarlamasy aıasynda jańa baspanaly bolǵan.

- 2020 jyly «Nurly Jer» baǵdarlamasy boıynsha turǵyn úı qurylysyna 21 mlrd teńge bólinedi. О́ńirde 1710 páter kezeginde turǵan batysqazaqstandyqtarǵa beriledi, - dedi Ǵalı Esqalıev.

Buǵan qosa Oral qalasynda apatty jaǵdaıda turǵan, tozyǵy jetken kóne úılerdiń máselesin memlekettik-jekeshelik áriptestik arqyly, jeke ınvestısııa arqyly sheshý jolǵa qoıylǵan. Dál osy joba boıynsha qazirdiń ózinde kópqabatty 5 úı salynyp, taǵy 4 úıdiń qurylysy júrip jatyr. О́ńir basshysy «Qarashyǵanaq Petrolıým Opereıtıng B.V.» kompanııasynyń qarjysyna taǵy 2 úı salynatynyn habarlady.

Odan bólek Oral qalasynda 50 myń turǵynǵa arnalǵan jańa «Aqjaıyq» shaǵyn aýdanynyń ınjenerlik ınfraqurylymy salynyp ázir tur.

Batys Qazaqstan

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar