Aımaqtar • 15 Aqpan, 2020

Qyzylordada eske alý mıtıngisi ótti

154 retkórsetildi

Oblys ákimi Qýanyshbek Ysqaqov Keńes áskerleriniń Aýǵan jerinen shyǵarylǵanyna 31 jyl tolýyna arnalǵan "Aýǵan. Sóngen shoq, óshken arman..." atty eske alý mıtıngisine qatysty. Sharaǵa Aýǵan soǵysy ardagerleri, áskerı qyzmetshiler men "Jas sarbazdar" qoǵamdyq uıymynyń músheleri keldi. Bul týraly oblys ákiminiń baspasóz qyzmeti habarlaıdy.

Aýǵan soǵysyna qazaq jerinen 22 myńnan astam jaýynger qatysqan. Al Syr óńirinen 800-den asa azamat shaqyrylyp, 18 jerlesimiz oqqa ushty.  

Aımaq basshysy ár ýaqyttyń óz tarıhy, óz esteligi bolatynyn aıtty. Sol sebepti de túrli dáýirde adamzatty dúr silkindirip, qanshama mıllıondaǵan jandardyń ómirin qıǵan qatygez soǵystar eshqashan umytylmaıdy.

– Aýǵan soǵysynda 50-den asa azamatymyz memlekettik nagradalar - «Qyzyl juldyz» ordeni jáne «Erligi úshin», medaldarymen marapattaldy. Búgin Jalańtós Bahadúr, Janqoja men Buqarbaı, Janazar sııaqty qamal buzar has batyrlar rýhy qoldaǵan, erligi men órligin qaıtalaǵan sizder sııaqty aıbyndy jaýyngerlerdiń kúni. Sizder Aýǵan jerindegi halyqtyń beıbit ómirin qorǵaýǵa qatysyp, azamattyq boryshtaryńyzdy asqaq abyroımen atqardyńyzdar,- dedi oblys ákimi.

Sonymen qatar, sharada Aýǵan dalasynda qaza tapqan sarbazdar rýhyna quran baǵyshtalyp, gúl shoqtary qoıyldy.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar