Prezıdent • 16 Aqpan, 2020

Q.Toqaev: Qazaqstanda Parlamenttiń kúshi arta túsetinine senemin

195 retkórsetildi

Germanııa Federatıvti Respýblıkasynyń Mıýnhen qalasynda ótip jatqan 56-shy Mıýnhen qaýipsizdik konferensııasynda Memleket basshysy Qasym-Jomart Toqaev «Geografııalyq ornalasýdyń mańyzy: Ortalyq Azııadaǵy qazirgi jaǵdaı» taqyrybyndaǵy pikirtalasqa qatysty. 

Halyqaralyq qatynastar keńesiniń prezıdenti Rıchard Haastyń jetekshiligimen bolǵan pikirtalasta Qazaqstandaǵy azamattyq qoǵamnyń jaıy sóz boldy.

Memleket basshysy búginde azamattyq qoǵamdy damytý úshin jańa jobalar daıyndalyp jatqanyn málimdedi.

«Kóptegen bastama qolǵa alyndy. Beıbit mıtıng ótkizý men saıası partııalardy tirkeýge qatysty jańa zań jobalary daıyndalyp jatyr. Men memleketimde prezıdenttiktiń jaqsy ınstıtýty qalyptasady degen oıdamyn. Sonymen birge Parlamenttiń kúshi arta túsetinine senemin. Oǵan qosa ashyq ári esep beretin Úkimet qalyptastyrýǵa tyrysamyz» dedi ol.

Pikirtalas kezinde terrorızm máselesi men qaýipsizdik suraqtary da nazardan tys qalmady. Aýǵanstan Prezıdentiniń aıtýynsha, esirtki men terrorızm úǵymy etene baılanysqan. Bul turǵyda Qasym-Jomart Toqaev Qazaqstanda esirtkige qatysty zańdardy kúsheıtý sharalary týraly aıtty.

«Terrorızmmen kúresýshiler qatarynda biz de barmyz. Byltyr Sırııa men Iraktaǵy azamattarymyzdy qaıtarýdy bastadyq.  Byltyr Sırııa men Iraktaǵy azamattarymyzdy qaıtarý boıynsha 3 sátti operasııa ótkizdik. Osy oraıda AQSh úkimetine kórsetken kómegi úshin alǵysymdy bildirgim keledi» dedi Prezıdent. 

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar