Prezıdent • 16 Aqpan, 2020

Memleket basshysy Ortalyq Azııadaǵy ahýaldy talqylaýǵa qatysty

157 retkórsetildi

Memleket basshysy qaýipsizdik jónindegi 56-shy Mıýnhen konferensııasynyń paneldik sessııasynda «Geografııalyq ornalasýdyń mańyzy: Ortalyq Azııa týraly áńgime» taqyrybynda sóz sóıledi. Aýǵanstan Prezıdenti Ashraf Ǵanı da pikirtalasqa spıker retinde qatysty. Is-sharaǵa amerıkalyq dıplomat, Halyqaralyq baılanystar jónindegi keńes prezıdenti Rıchard Natan Haas moderatorlyq etti. Bul týraly Aqorda habarlady.

Is-shara qyzý pikirtalas formatynda ótti. Spıkerler moderatordyń suraqtaryna jaýap berip, Ortalyq Azııadaǵy qaýipsizdikti qamtamasyz etý jónindegi oılaryn ortaǵa saldy.

Memleket basshysy óńirdiń alatyn orny týraly aıta kele, Ortalyq Azııanyń jahandyq geosaıasattaǵy róli arta túsetinin atap ótti.

Qasym-Jomart Toqaev forýmǵa qatysýshylarǵa Qazaqstannyń syrtqy saıası basymdyǵy jáne elimizdiń Reseımen, Qytaımen, Eýroodaqpen, AQSh-pen, sondaı-aq, Aýǵanstanmen ózara qarym-qatynastary týraly áńgimeledi.

О́ńirdegi qaýipsizdikti qamtamasyz etý máselesi arnaıy taqyryp retinde talqylandy. Memleket basshysy esirtki tasymalyna qarsy kúres jónindegi sharalarǵa, Qazaqstannyń terrorızmge qarsy is-qımyldarǵa qosqan úlesine, «Jýsan», «Rýsafa» operasııalarynyń qorytyndylaryna egjeı-tegjeıli toqtaldy. 

Sonymen qatar Qasym-Jomart Toqaev jıynǵa qatysýshylarǵa óziniń prezıdenttiginiń basymdyqtary, elimizdegi saıası jáne ekonomıkalyq reformalardyń negizgi baǵyttary týraly aıtyp berdi. Osy rette Prezıdent ekonomıkany ártaraptandyrýdyń, ınnovasııalar men sıfrlandyrýdy damytýdyń asa mańyzdy ekenine nazar aýdardy.

Sessııanyń sońynda Memleket basshysy jıynǵa qatysýshylardyń suraqtaryna jaýap berdi.

Sońǵy jańalyqtar

Eldik nyshandar tarıhy

Qazaqstan • Keshe

Uqsas jańalyqtar