Qarjy • 16 Aqpan, 2020

Ulttyq bank 2020 jyly 26 tonna altyn satyp alady

168 retkórsetildi

Bul jańalyq emes, álemdik qarjy júıesi kez kelgen ýaqytta qarjy sektory men ekonomıkasynyń qýatyn arttyrý úshin osyndaı qadamǵa barady. Sondyqtan álemdik qarjy retteýishteriniń izimen  Ulttyq bank altyn qoryn ulǵaıtýdy jalǵastyryp jatyr.

Eger jahandyq kózqaraspen qaraıtyn bolsaq, bul baǵaly metal túrine ınvestorlardyń jáne álemniń ortalyq bankterinen de suranys bar. Sońǵy jyldary AQSh-tan bastap, biraz elder  óz altyn qoryn aıtarlyqtaı arttyryp alǵan. Munyń Ulttyq bankke de qatysy bar. Eger 2007 jylǵy derekke kóz júgirter bolsaq, ol sátte bizdiń retteýshimizde 56-57 tonna altyn bolatyn. Qazir shamamen 260-300 tonna altyn bar.

Biraq, bul tarapta altynǵa degen suranys ta onyń baǵasyna da baǵynyshty. 2007 jyly altynnyń troıa ýnsııasy $650 deıin jetti. Al qazir bul kórsetkish 1280-di quraıdy. Sharyqtaý shegine 2011 jyly jetti. Bul kezde baǵaly metal quny $1900 kórsetti. 2015 jyly onyń quny $1000-ǵa  deıin arzandap ketti. О́zge aktıvter tárizdi onyń baǵasy tómendeýi de, joǵarylaýy da ábden múmkin. Bul tarapta aksııalar men shetel valıýtasyna da qatysy bar.

Sarapshylardyń aıtýynsha, altyn osy jyldyń basty aktıvine aınalady. Ulttyq bank álemdik ekonomıkalyq turaqsyzdyǵy sebebinen altynnyń qoryn kóbeıtip otyr.

Sarapshylar Ulttyq bank bul  sheshimdi  elimizdiń qarjy sektorynyń qorǵanys aktıvin kúsheıtý úshin qabyldaǵanyn aıtady.  Qazaqstan altyn-valıýta rezervterindegi altynnyń úlesi 50% -dan asatyn jeti eldiń biri. Qazaqstannyń Ulttyq banki 2020 jyly 26 tonnadan astam altyn satyp alatynyn  aqpan aıynyń basynda habarlaǵan bolatyn. 

Qazaqstandaǵy EXANTE halyqaralyq ınvestısııalyq kompanııasynyń taldaýshysy Andreı Chebotarev, ınvestısııalaýdyń mundaı quraly bizdiń elimizge álemdik ekonomıkada damyp jatqan turaqsyz ekonomıkalyq jaǵdaıdyń saldaryn jeńildetýge kómektese me degen taqyrypta qazaqstandyq jýrnalıstermen oı bólisti.

 «Reseıdegi nemese Ispanııadaǵydan góri taza altynnyń az ekendigi túsinikti, biraq olardyń altyn-valıýta rezervindegi úlesi 50% -dan az. Bizde odan da kóp. Al Qazaqstan Ulttyq Banki sońǵy eki jylda osyndaı saıasatty ustanyp keledi. Sonymen qatar ótken jyldyń ózinde ǵana elimizdiń altyn-valıýta rezervterindegi altynnyń úlesi 31% -ǵa artty jáne 65,1% nemese 19 mlrd dollardy quraıdy. Iаǵnı, Qazaqstan bul dástúrdi ustanady jáne altyn satyp alady. Meniń oıymsha, mundaı jaǵdaıda bul durys», - dep sanaıdy sarapshy.

Sondaı-aq sarapshy, álemdik ekonomıka 12 jyl ishinde oń qarqynmen damyp kele jatqanyn jáne bul ekonomıkalyq baqylaý tarıhyndaǵy eń uzaq ósý kezeńi ekenin atap ótti.

«Biraq ekonomıka sıkldi bolyp esepteledi jáne quldyraý men daǵdarystar árqashan erte me, kesh pe, báribir bolady. Dálirek aıtsaq, ótken jyldan bastap barlyǵy jańa jahandyq daǵdarysty kútip otyr» deıdi spıker.

2019 jyl daǵdarystyń qaýipi seıilmeı, tumandanyp ketýimen este qaldy.  «Tipti AQSh ekonomıkasy búkil álemdik daǵdarystyń aldyńǵy shebinde  tur» degendi asa saq sarapshylardyń ózi qoryqpaı aıta bastady sol kezde. Al aqparat quraldary bolsa álemniń qor bırjalarynda kóbikter jaryla bastady degendi birinen soń biri kóshirip, jarııalaýǵa asyqty.   «Sonymen qatar qazir barlyǵy koronavırýs týraly aıtady. Sebebi SARS vırýsynyń taralýy 2003 jyldan bastap Qytaı óte mańyzdy álemdik ekonomıkaǵa aınaldy. Keıbir esepteýler boıynsha Qytaı álem ekonomıkasy boıynsha №1, al basqalary boıynsha bul AQSh-tan keıingi ekinshi oryn. Biraq kez-kelgen jaǵdaıda, bul búkil álemniń ekonomıkasyna qatty áser etedi. Eger onyń ekonomıkasy quldyrasa, onda bári de quldyraıdy. Munyń bári daǵdarystyń múmkin bolatyndyǵyn bildiredi. Bul byltyr, múmkin bıyl nemese kelesi jyly bolýy múmkin» deıdi Andreı Chebotarev.

Sonymen birge, spıker eger koronavırýs álemdi quldyraýǵa baǵyttasa, onyń áseri shekteýli bolatynyn atap ótti. Vırýs erte me, kesh pe, jeńilip, ekonomıka tez qarqynmen qalpyna keletini anyq, sondyqtan saldary AQSh ıpotekalyq naryǵynda daǵdarys bastalǵan kezde 2008-2009 jyldarǵa qaraǵanda áldeqaıda álsiz bolady.

«Qazaqstan Respýblıkasy Ulttyq Bankiniń altyn qoryn ulǵaıtý týraly aıtatyn bolsaq, onda ol qorǵanys aktıvi bolyp sanalady. О́tken jyl úshin de, onyń basynda da bul baǵa kóp nárseni qosty jáne qazir óziniń eń joǵarǵy shegine jetti. Árıne, bul altyn ámbebap qorǵanys aktıvi degendi bildirmeıdi, óıtkeni ol quldyraýǵa beıim. 2008-2009 jyldardaǵy sońǵy álemdik daǵdarys kezinde altyn baǵasy tómendep ketti,   biraq retrospektıvti taldaý onyń tez qalpyna keltirilgenin kórsetedi» dep túsindirdi sarapshy.  

Sońǵy jańalyqtar

Tasqynǵa – tosqyn

Aımaqtar • Búgin, 13:25

Qazaqstanda koronavırýstan 55 adam aıyqty

Koronavırýs • Búgin, 12:50

Qaıyqshy atanyń hıkaıasy

Rýhanııat • Búgin, 12:39

Jyl basynan beri zeınetaqy eki ret ósti

Ekonomıka • Búgin, 11:30

Qaraquıryqty atqan qoryqshy ustaldy

Aımaqtar • Búgin, 10:54

Toıdyń sońy topyrlaǵan aýrý

Aımaqtar • Búgin, 10:22

Uǵyna bilgenge – ult taǵdyry

Saıasat • Búgin, 06:57

Kóńilge medet bolǵan maqala

Rýhanııat • Búgin, 06:56

Qıyndyqpen birge jeńildik bar

Qoǵam • Búgin, 06:32

«Birlik joq jerde – tirlik joq»

Qoǵam • Búgin, 06:26

El bolyp eńseremiz

Saıasat • Búgin, 06:20

Jańa aýrýhana 12 kúnde salynady

Elorda • Búgin, 06:17

Daýyl «dertimizdi» anyqtap berdi

Aımaqtar • Búgin, 06:14

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Uqsas jańalyqtar