Aımaqtar • 17 Aqpan, 2020

Túrkistan: 5000-nan astam erikti 7 baǵyt boıynsha jumys isteýde

1022 ret

kórsetildi

1 mın

oqý úshin

Túrkistan oblysynda búginde 5000-nan astam volonter bar. Eriktiler «Bilim», «Qamqor», «Úmit», «Sabaqtastyq», «Taza Álem» jáne «Saulyq» atty 7 salalyq baǵyty boıynsha jumys isteýde. Rýhanı, mádenı-tarıhı muralardy saqtaý jumystaryna eriktilerdi tartý baǵytynda qurylǵan «Asyl Mura» jobasy da júzege asyrylmaq.

Ǵalymjan ELShIBAI

Túrkistan: 5000-nan astam erikti 7 baǵyt boıynsha jumys isteýde

Oblystyq Jastar resýrstyq ortalyǵy dırektorynyń mindetin atqarýshy Amalbek О́mirtaı «Asyl mura» aıasynda «Álemge qushaq ashqan — Túrkistan», «Qazyǵurttyń basynda keme qalǵan», «Open English» sekildi birneshe jobalar bastaý alǵanyn aıtady. Barlyq jobalardy júzege asyrý aıasynda azamattardyń jergilikti máselelerdi sheshýdegi talpynysyn qoldaý úshin shaǵyn granttar bólý qarastyrylýda eken. Aldaǵy ýaqytta eriktiler qatary 10000-ǵa kóbeımek.

Sondaı-aq aýdan, qalalyq jastar ortalyqtarynyń jetekshiligimen 1000-ǵa jýyq mektepte volonterlikti negiz etken ózin-ózi basqarý uıymdarynyń jumystary jetildirilip, metodologııalyq kómek kórsetiletin bolady. Al eńbegimen erekshelengen eriktiler joǵary marapattarǵa usynylmaq.