Qazaqstan • 17 Aqpan, 2020

2020 jyly qyzmetkerlerdi sertıfıkattaýdyń jańa júıesi synaqtan ótkiziledi

28 retkórsetildi

Eńbek jáne halyqty áleýmettik qorǵaý mınıstrligi 2020 jyly pılottyq rejımde jańa sertıfıkattaý jáne qyzmetkerlerdiń biliktiligin taný júıesin synaqtan ótkizýdi josparlap otyr. Bul týraly 2019 jylǵy jumys qorytyndysy jáne 2020 jylǵa arnalǵan negizgi mindetter boıynsha alqa otyrysynda vedomstvonyń basshysy Birjan Nurymbetov málimdedi.

Mınıstrliktiń habarlaýynsha, Birjan Nurymbetov óz sózinde Úkimet pen Eńbekmıni Ulttyq biliktilik júıesin qalyptastyrý boıynsha aýqymdy jumystar júrgizgenin atap ótken. Onyń negizgi elementteri qazirdiń ózinde qalyptastyrylǵan, sondaı-aq Dúnıejúzilik banktiń qarjylaı qoldaýymen 2019 jyly 2784 mamandyq boıynsha 480 kásiptik standart bekitilgen. Sonymen qatar kásiptik standarttar negizinde bilim berý baǵdarlamalary jańartylatyn bolady.

Áleýmettik jáne eńbek salasyn, onyń ishinde Ulttyq biliktilik júıesin odan ári damytý boıynsha usynystar men usynymdardy ázirleý úshin Ulttyq keńes quryldy.

Kadrlarǵa qajettilikti boljaý júrgiziledi. Boljam jyl saıyn qysqa merzimdi kezeńge (1 jyl), orta merzimdi kezeńge (5 jyl), uzaq merzimdi kezeńge (2050 jylǵa deıin) qalyptastyrylady.

Boljamdaý nátıjeleri mamandardy daıarlaý úshin (TjKB, sondaı-aq joǵary jáne joǵary oqý ornynan keıingi bilimi bar) memlekettik tapsyrysty qalyptastyrý kezinde qysqa merzimdi oqytýdy uıymdastyrýda paıdalanylady.

«2020 jyly jańa sertıfıkattaý jáne qyzmetkerlerdiń biliktiligin taný júıesin pılottyq synaqtan ótkizý josparlanǵan. El Prezıdentiniń saılaý aldyndaǵy baǵdarlamasynyń mindetterin iske asyrý úshin eńbek naryǵynda suranysqa ıe jańa kásipter men quzyrettilikterdiń atlasy ázirlenetin bolady. Atlas 9 basym sala boıynsha jańa, ózgermeli jáne talap etilmeıtin kásipterdi biriktiredi», – dedi Birjan Nurymbetov.

Munaı-gaz salasy, aýyl sharýashylyǵy, kólik jáne logıstıka, mashına jasaý, aqparattyq-kommýnıkasııalyq tehnologııalar, energetıka, týrızm, qurylys, taý-ken metallýrgııasy basym salalarǵa jatady.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar