«2019 jyldyń basynan bastap eń tómengi jalaqy mólsheri 1,5 esege – 28-den 42,5 myń teńgege deıin artty. Bul shamamen 1,3 mıllıon adamǵa, onyń ishinde 275 myń azamattyq qyzmetshige tikeleı áser etti. Maýsym aıynan bastap bıýdjettik sala qyzmetkerleriniń jalaqysy 30%-ǵa deıin artty. 1 mln-nan astam azamattyq qyzmetshi joǵary jalaqy aldy. Qyzmetkerdiń ortasha jalaqysy 114,5 myń teńgeni qurady», – dedi Birjan Nurymbetov.
Ol sondaı-aq 2020 jyldan bastap Memleket basshysynyń tapsyrmalaryn oryndaý maqsatynda mádenıet jáne arhıv qyzmetkerleriniń, pedagogterdiń jáne áleýmettik qyzmetkerlerdiń jalaqysy taǵy da orta eseppen 30%-ǵa artqanyn atap ótti.
«Sonymen qatar 2019 jyly 205,6 myń jumys berýshi 1,2 mln-nan astam eńbekaqysy tómen qyzmetkerlerdiń jalaqysyn orta eseppen 32,7%-ǵa arttyrý mindetin óz moınyna aldy. Jalaqyny kóterý monıtorıngi únemi júrgiziledi», – dedi Birjan Nurymbetov.
