Qoǵam • 17 Aqpan, 2020

Qazaqstandyqtardyń eńbek quqyqtary qalaı qorǵalady?

83 retkórsetildi

Eńbek jáne halyqty áleýmettik qorǵaý mınıstri Birjan Nurymbetov eńbek qaýipsizdigi men eńbekti qorǵaýdy baqylaýdy jáne qazaqstandyqtardyń eńbek quqyqtaryn qorǵaýdy qamtamasyz etýdiń jańa tásilderin atap ótti. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Mınıstr Eńbekmıni turaqty negizde eńbek zańnamasynyń saqtalýyna monıtorıng jáne baqylaý júrgiziletinin habarlady. Sonymen qatar 2019 jyly 9,5 myń jumys berýshini tekserý nátıjeleri boıynsha 11,3 myńnan astam buzýshylyq joıyldy. 41 myńnan astam qyzmetkerdiń quqyqtary qorǵaldy, olarǵa eńbekaqy boıynsha 5,4 mlrd teńgeden astam bereshek tólendi.

Sonymen qatar jalaqy boıynsha bereshek problemasy áli de saqtalýda. Osylaısha, 31 qańtarǵa bereshek 89 kásiporynda 1,2 mlrd teńgeni qurady. Bankrotqa ushyraǵan nemese ońaltýdaǵy 53 kásiporynda 755 mln teńgeni quraǵan bereshek erekshe alańdaýshylyq týdyrady.

«Eńbek qaýipsizdigi men eńbekti qorǵaýdy qamtamasyz etý taǵy bir mańyzdy másele bolyp tabylady. Qazaqstanda 2019-2023 jyldarǵa arnalǵan О́ndiristik jaraqattaný men eńbek jaǵdaılary zııandy jumys oryndaryn azaıtý jónindegi jol kartasy iske asyrylýda. 2,6 myńnan astam kásiporyn halyqaralyq standarttardy engizdi, 2 myńnan astam óndiristik obekt attestattaldy. Ishki baqylaýdy 15 myńnan astam óndiristik keńes júzege asyrady. Nátıjesinde jazataıym oqıǵalar sany 8,8%-ǵa tómendedi. Zardap shekkender sany 1 430 adamdy qurady (2018 jyly – 1568 adam), onyń ishinde ólimmen aıaqtalǵan 180 adam (2018 jyly - 220 adam)», – dedi Birjan Nurymbetov.

Ol sondaı-aq 2019 jylǵy 17 maýsymda Jenevada Eńbekmıni Halyqaralyq áleýmettik qamsyzdandyrý qaýymdastyǵymen «Vision Zero» nóldik jaraqattaný tujyrymdamasyn ilgeriletý týraly memorandým jasalǵanyn aıtty.

«Respýblıkanyń 137 kásiporny osy tujyrymdamaǵa qosyldy. Bul jumysty barlyq óńirlerde jandandyrý kerek. Oblys ákimderiniń orynbasarlaryn eńbekti qorǵaý, jalaqy boıynsha bereshekti baqylaý máselelerin baqylaýǵa alýdy suraımyn», – dep atap ótti mınıstr.

Ol sondaı-aq 2019 jyldyń mamyr aıynda eńbek janjaldarynyń aldyn alý jáne sheshý boıynsha keshendi jospar qabyldanǵanyn eske saldy.

2020 jylǵy 1 qańtarda ujymdyq sharttarmen iri jáne orta kásiporyndardyń 96,5%-y jáne shaǵyn kásiporyndardyń 42,7%-y qamtylǵan. Qyzmetkerlerdi qysqartýǵa jol bermeý maqsatynda ákimdikter men óńirler kásiporyndary arasynda ózara yntymaqtastyq týraly memorandýmdar jasalady.

Bas prokýratýramen birlesip sheteldik jumys kúshin (budan ári – ShJK) tartatyn kásiporyndardy tekserý aıaqtaldy, qajetti ákimshilik sharalar qabyldandy.

«2020 jyly ShJK tartýǵa ruqsat berýdiń aldyn alý jáne tártibin kúsheıtý úshin jumys berýshilerdiń qyzmetkerlerge teń sanıtarlyq-turmystyq jaǵdaı jasaý jónindegi mindetin jáne ákimshilik jaýapkershilikti belgileýdi josparlap otyrmyz. Táýekel dárejesin baǵalaý krıterıılerine jáne tekserý paraqtaryna ózgerister engiziletin bolady. Bul jyl saıyn  qyzmetkerleriniń sany 250 adamnan asatyn, 30-dan astam sheteldik qyzmetkerdi tartatyn kásiporyndardy josparly tekserýlermen qamtýǵa múmkindik beredi», – dedi Birjan Nurymbetov.

Sondaı-aq Halyqaralyq eńbek uıymynyń konvensııalaryna sáıkes kásiporyndardy tekserýdi kedergisiz júzege asyrý, eńbek ınspektorlarynyń shtat sanyn ulǵaıtý bóliginde memlekettik eńbek ınspektorlarynyń mártebesin qaıta qaraý jóninde sharalar qabyldanatyn bolady.

Sonymen qatar kásipodaqtardyń qyzmetin jetildirý, kásibı táýekelderdi baǵalaýǵa negizdelgen eńbekti qorǵaýdy basqarý jónindegi jańa tásilderdi engizý, sondaı-aq qyzmetkerlerdiń eńbek qyzmetin sıfrlaýdy engizý jónindegi máselelerdiń úlken sheńberin qamtıtyn eńbek jónindegi Zań jobasy Parlamentte qaraýda jatyr.

Sońǵy jańalyqtar

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Muqtaj jandarǵa kómektesedi

Rýhanııat • Búgin, 08:10

Sabyr-shydamnyń synalar shaǵy...

Qoǵam • Búgin, 08:04

Senimimizdi nyǵaıtqan naqty qadam

Rýhanııat • Búgin, 08:02

Jastarǵa da qoldaý jasalady

Parlament • Búgin, 07:59

Toılarymyz alda!

Parlament • Búgin, 07:52

Betperde kıgen kóktem - 3

Tanym • Búgin, 07:35

Syr dıqandary soıa ósirýge den qoıdy

Ekonomıka • Búgin, 07:34

Bankter qolushyn sozýǵa daıyn ba?

Ekonomıka • Búgin, 07:24

Tártip pen tazalyq

Qoǵam • Búgin, 07:22

Qazaq qaıda barady?

Rýhanııat • Búgin, 07:12

Benzın baǵasy arzandady

Ekonomıka • Keshe

Abaıdyń ánin shyrqady

Abaı • Keshe

14 otbasyǵa qol ushyn sozdy

Qazaqstan • Keshe

Uqsas jańalyqtar