Qoǵam nazaryn bilim salasyna aýdarý, pedagog mártebesin kóterý, ustazdarǵa qoldaý kórsetýge úndegen aýqymdy sharaǵa 400-den astam ata-ana qatysty. «Ata-ana, ustaz, oqýshy: bolashaqqa baǵyttalǵan yntymaqtastyq» taqybyrynda ótken forýmda mańyzdy máselelerdi talqylaýǵa Qyzylorda, Taraz, Shymkent qalalary men Túrkistan oblysynan ata-analar, qamqorshylyq keńesiniń tóraǵalary, kásipodaq keńesiniń músheleri, mektep dırektorynyń tárbıe isi jónindegi orynbasarlary men jastar uıymynyń músheleri atsalysty.
«Otbasynda kóp kóńil bólinbeıtin balalar jylýlyqty syrttan izdeı bastaıdy. Olardyń arasynda túrli oqıǵalarǵa tap bolyp, tyǵyryqtan shyǵa almaı qalatyny bolady. Osydan bala boıynda qatygezdik qasıet, al ata-analarda «tárbıege kónbeıtin bala» degen uǵym qalyptasady. Balalarymyzdyń jany men táni aman bolsyn desek, barlyq iske birlese jumylǵan jón. Ata-ananyń bala tárbıesine degen kózqarasy men olarmen qarym-qatynasy qalypty bolýy kerek», dedi jıyn barysynda Túrkistan oblystyq adamı áleýetti damytý basqarmasynyń basshysy Raqymbek Jolaev. Sondaı-aq oblystyń bas ustazy bala men ata-ana arasyndaǵy baılanysty nyǵaıtý úshin, óńirdiń barlyq bilim uıalarynda qolǵa alynǵan rýhanı-adamgershilik tárbıeniń damýyna tikeleı yqpal etetin sharalar jaıly aıtyp ótti.
Aıta ketelik, Túrkistan oblysynda mektep pen otbasy arasyndaǵy baılanysty nyǵaıtý maqsatynda aýqymdy is-sharalar júzege asyrylýda. Mysaly, otbasylyq tárbıe baǵytynda, ásirese, ákelermen jumysty jandandyrý boıynsha byltyr «Ákeler mektebi» ashylǵan bolatyn. Búginde aýdandyq, qalalyq bilim berý uıymdarynda ardagerlerdiń - 800, ákelerdiń - 900 jáne tálimgerlerdiń 709 keńesi jumys isteıdi.
