Aımaqtar • 17 Aqpan, 2020

Ýnıversıtet stýdentteri tergeýshilermen kezdesti

92 retkórsetildi

Mańǵystaý oblystyq Polısııa departamenti Tergeý basqarmasynda Qazaqstan Respýblıkasy Ishki ister organdarynyń tergeý salasy qyzmetkerleriniń oń ımıdjin qalyptastyrý, tergeý salasyna bilikti, jas zańger mamandardy tartý, sonymen qatar, Mańǵystaý oblystyq Polısııa departamenti men Sh.Esenov atyndaǵy Kaspıı memlekettik tehnologııalar jáne ınjınırıng Ýnıversıteti arasyndaǵy qarym-qatynasty odan ári nyǵaıtý maqsatynda kezdesý ótti. Bul týraly Mańǵystaý oblystyq Polısııa departamenti baspasóz qyzmeti habarlady.

Ishki ister organdarynyń tergeý qyzmeti osydan 57 jyl buryn qurylǵannan bastap kóptegen túıindi máselege, qylmys deńgeıiniń, onyń ishinde uıymdasqan nysandardyń kúrt ósýine, jetkiliksiz materıaldyq-tehnıkalyq jaramdylyqqa, joǵary júkteme men kadrlardyń turaqtamaýyna tótep berý jolynda udaıy quqyqtyq júıeni jetildirýmen aınalysyp keledi.

- Tergeýshi laýazymyna joǵary zań bilimi bar árbir adam taǵaıyndala alady. Iаǵnı tergeý salasynda qyzmet etý úshin tek qana IIM-niń vedomstvolyq oqý oryndaryn bitirý shart emes, sonymen qosa, ózderińiz sııaqty ár-túrli azamattyq, joǵary oqý oryndarynyń túlekteri de jumysqa qabyldanady. Azamattyq joǵary oqý oryndarynyń túlekteri tergeý salasyna jumysqa ornalasý úshin dıplom alǵannan keıin IIM-niń Qaraǵandy Akademııasynda bastapqy daıarlyq kýrsynan ótedi. Alaıda oqý ornyn bitirgen kez kelgen jas maman bilikti tergeýshi bolyp qalyptaspaýy múmkin. Tergeýshiler quqyqtyq tártipti nyǵaıtý jáne qylmysqa qarsy kúres isine jan-jaqty densaýlyǵy men bilimin jumsaýǵa májbúr. Olar jeke ýaqytymen sanaspaı, tabandylyqpen jáne qaǵıdattylyqpen qylmystardy ashady jáne tergeıdi. О́tpeli kezeńniń problemalarynan ótý arqyly tergeý qyzmetkerleriniń kásibıligi qalyptasady, bul alǵa qoıylǵan maqsattardy tabysty sheshýge múmkindik beredi.

Tergeý salasynda tek qana er jigitter emes, solarmen birge qyzdar da kúndelikti qıynshylyqtarǵa qaramastan aıanbaı eńbek etýde.

Tergeýshilerdiń qazirgi býynyna qıyn jaǵdaıda jumys isteýge týra keledi - qylmystyq delıkter júıesi túpkilikti qaıta qaralǵan, ýaqyttyń shynaıylyǵy eskerile otyryp jańa taraýlar men qylmys quramdary engizilýde. Qylmystyq ister boıynsha sotqa deıingi is júrgizý tolyǵymen ózgerdi, qazirgi kezde tergeýshiler qaǵaz formatta jáne elektrondy formatta qylmystyq isterdi tergep olardy sotqa joldaıdy. Joǵary kásibı sheberlik pen jaýapkershilik sezimi óz qyzmetinde jańa zańdardy basshylyqqa alýǵa jáne quqyq qoldaný praktıkasynda týyndaıtyn kez kelgen máselelerdi tabysty sheshýge múmkindik beredi. Zań talaptaryna sáıkes qylmystyq isterdi tergeı otyryp, tergeýshi zańdylyq pen belgilengen demokratııalyq qaǵıdattardy tek qana bekitpeı, azamattar quqyqtarynyń qorǵalýyn qamtamasyz etedi, óıtkeni ár qylmystyq istiń artynda adam ómiri, olardyń problemalary tur, dedi stýdentterge kezdesýde PD bastyǵynyń tergeý jónindegi orynbasary, polısııa polkovnıgi Amangeldi Dosjanov.

A.Asqaruly «О́z boryshyn laıyqty atqaratyn, mýndır bedelin saqtaıtyn, isine adaldyq tanytatyn naǵyz kásibı sheberlerdi maqtan tutamyz» dep polısııa qyzmetiniń jalpy jumysymen qysqasha tanystyrdy. Qazirgi ýaqytta jalpy polısııa qyzmetkerleri, onyń ishinde tergeý salasynyń qyzmetkerleri memleket tarapynan áleýmettik jaǵynan tolyǵymen qamtylǵan. Sońǵy 2 jylda eń joǵary kórsetkishterge qol jetkizgen tergeýshiler Departamenttiń qoldaýymen ózderiniń januıa múshelerimen birge shet elderge jazǵy demalystarǵa jiberildi. Aldaǵy ýaqytta da osy úrdis jalǵasyn tabatyn bolady.

Sóz sońynda A.Dosjanov kelgen stýdentterdiń oqýlaryna sáttilik tileı otyryp, tańdaǵan mamandyqtarynyń ıesi bolýyna tilek bildirdi. Sonymen qatar ǵımaratta ornalasqan jedel-krımınalıstıkalyq polıgonymen, sol qyzmettiń tynys-tirshiligimen, tergeý bólmeleri men arnaıy tehnıkalarmen tanystyryp, qylmys oqıǵasynyń bolǵan jerine qarap-tekserý júrgizý boıynsha oqý-jattyǵý sabaǵyn ótkizdi.

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar