Basylym basshylary • 17 Aqpan, 2020

Basylym basshylary - Ǵumar AQQULOV (1912-1957)

34 retkórsetildi

Gazettiń jıyrma tórtinshi redaktorynyń ómirbaıanyn baıandamas buryn qyzyqty bir derek keltire ketelik.

«...Otyz jeti jyl ishinde men jeti redaktormen istes boldym, – dep eske alady «Sosıalıstik Qazaqstannyń» 80-jyldarǵy bas redaktorlarynyń biri Balǵabek Qydyrbekuly óziniń «Jetpis bestiń otyz jetisi» degen maqalasynda («Egemen Qazaqstan», 1994 jylǵy 8 jeltoqsan). Sonyń ishinde maqalany ishekqarnyn aqtaryp qarap beretin bir redaktor elý ekinshi jyldyń kúzinde kelgen Ǵumar Aqqulov bolatyn. Ol da Ortalyq Komıtetten keldi. Ol jaqqa bizden partııa turmysy bóliminiń meńgerýshiliginen baspasóz sektorynyń meńgerýshisi bolyp barǵan-dy. Bólimde júrgende bir bólmede otyratynbyz».

Bákeń bastyǵynyń taǵy da biraz qyzyqty minezin aıta kelip, Ǵumar Aqqulovtyń Batys Qazaqstan oblysynyń Orda aýdanyndaǵy Jetibaı degen aýyldan ekenin, biraq onyń pasportsyz (tólqujatsyz – avt.) júretinin, sebebi kezinde Qytaıda halyqtyq ókimet ornatý jolynda jasyryn jumysta bolǵanyn jazady.

Áıtse de biz murajaı qujattary men sol kezdegi shyqqan keıbir gazet-jýrnaldardy aqtara otyryp Ǵ.Aqqulovqa qatysty biraz derek taptyq.

Ol Batys Qazaqstan oblysynyń Jetibaı aýylynda kedeı sharýanyń otbasynda ómirge kelgen. 1930 jyldan bastap mádenı-aǵartý salalarynda jumys isteı bastaıdy. Bas­taýysh mektep meńgerýshisi, zaýyt-fabrıka oqýy mektebiniń qyzmetkeri bolyp isteıdi. Keıin komsomol, partııa qyzmetterine aýysady.

1936 jyly Ǵ.Aqqulov respýblıkalyq «Sosıalıstik Qazaqstan» gazetiniń redaksııasyna jumysqa keledi. Munda 1950 jylǵa deıin ádebı qyzmetker, mektep bóliminiń meńgerýshisi, jaýapty hatshy jáne partııa turmysy bóliminiń meńgerýshisi bolyp qyzmet atqardy. 1950 jyldan 1952 jylǵa deıin Qazaqstan Kompartııasy Ortalyq Komıtetiniń apparatynda baspasóz jáne baspa sektorynyń meńgerýshisi bolyp isteıdi.

1952 jyly ol «Sosıalıstik Qazaqstan» gazetiniń jaýapty redaktory qyzmetine joǵarylatylady jáne eki ret Qazaqstan Kompartııasy Ortalyq Komıtetiniń múshesi bolyp saılandy. Osylaısha, Ǵ.Aqqulov bizdiń gazetke 1955 jylǵa deıin basshylyq etedi.

1955 jyldan ómiriniń sońyna deıin ol Qazaqstan Kompartııasy Ortalyq Komıtetiniń janyndaǵy Partııa tarıhy ınstıtýtynyń aǵa ǵylymı qyzmetkeri bolyp istedi. Osy jerde júrip marksızm-lenınızm klassıkteriniń shyǵarmalaryn qazaq tiline aýdarýǵa belsene qatysty.

 

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar