Prezıdent • 17 Aqpan, 2020

Qasym-Jomart Toqaev Esep komıtetiniń tóraıymyn qabyldady

256 retkórsetildi

Memleket basshysy Respýblıkalyq bıýdjettiń atqarylýyn baqylaý jónindegi Esep komıtetiniń tóraıymy Natalıa Godýnovany qabyldady. Bul týraly Aqordanyń baspasóz qyzmeti habarlady.

Qasym-Jomart Toqaevqa ulttyq holdıngter jumysynyń tıimdiligine júrgizilgen taldaý qorytyndylary týraly esep berildi. Mundaı tapsyrma 2019 jylǵy 2 qyrkúıekte Prezıdenttiń Qazaqstan halqyna arnalǵan Joldaýynda berilgen bolatyn.

Esep komıteti basshysynyń málimeti boıynsha, sheshilýi tıis qordalanǵan máseleler men kemshilikter anyqtalǵan. Atap aıtqanda, ekonomıkadaǵy kvazımemlekettik sektordyń úlesi azaımaı tur. Ondaǵy kompanııalar aıtarlyqtaı dárejede respýblıkalyq bıýdjettiń qoldaýyna táýeldi.

Natalıa Godýnovanyń aıtýynsha, satyp alýlar kezindegi rásimderde áli de ashyqtyq joq. Sharttardyń deni básekelestik jolmen jasalmaıdy. Esep komıteti aýdıt júrgizip, osy máseleniń naqty sebepterin anyqtaýy kerek.

Esep komıtetiniń basshysy Qazaqstan Prezıdentiniń qaraýyna ulttyq holdıngterdi, sonyń ishinde kvazımemlekettik sektordyń keıbir kompanııalaryn jabý maqsatynda ońtaılandyrý týraly usynys engizdi.

Jalpy, Prezıdent Esep komıtetiniń jumysyna oń baǵa berdi.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar