Aımaqtar • 18 Aqpan, 2020

Túrkistan oblysynda balalar arasyndaǵy sýısıd 32%-ǵa azaıǵan

62 retkórsetildi

Túrkistan oblysy basshylyǵynyń tikeleı baqylaýyndaǵy sýısıd boıynsha birneshe baǵytta nátıjeli jumystar atqarylýda.

Sonyń biri – «Besterek» jobasynyń aıasynda myńnan astam pedagog-psıholog kezeń-kezeńimen daıyndyqtan ótýde. Daıyndyqtan keıin mamandar «táýekel tobyna» jatatyn balalar men olardyń ata-analarymen tyǵyz jumys istep, qoldaý kórsetýde.

Osy syndy naqty jumystardyń nátıjesinde ótken jyly sýısıd kórsetkishi 32%-ǵa azaıǵan. Al aldyńǵy jyly oblysta 106 sýısıd tirkelip, onyń 41-i qaıǵyly jaǵdaıda aıaqtalǵan bolatyn. Bul derekter Qoja Ahmet Iаsaýı atyndaǵy HQTÝ-de bastalǵan 76 saǵattyq tájirıbege baǵyttalǵan pılottyq joba aıasyndaǵy kýrs barysynda málim etildi.

Jasóspirimder arasyndaǵy ózine qol jumsaý áreketteriniń aldyn alý, psıhologtardy tájirıbelik ádistemelermen tanystyrý maqsatynda bastalǵan jańa joba óńirdegi mektep dırektorlary men olardyń tárbıe jónindegi orynbasarlary jáne psıhologtardyń basyn qosty. Ýnıversıtet ǵalymdary men oblystyq adamı áleýetti damytý basqarmasynyń basshylyǵy, prokýratýra ókilderi de qatysty. Kýrs barysynda ustazdar 2 apta boıy álemdik tájirıbege baǵyttalǵan psıhologııalyq amaldarmen tanysady. Jınalǵan mamandar men sarapshylar osy baǵyttaǵy ǵylymı tájirıbelerimen bólisedi.

Sońǵy jańalyqtar

Qarttar úıindegi qasiret

Aımaqtar • Keshe

Qazaq aqyny qyrǵyzsha jyrlandy

Rýhanııat • Keshe

Uqsas jańalyqtar