Aımaqtar • 18 Aqpan, 2020

Memlekettik qyzmetti elektrondy túrde kórsetý artyp keledi

45 retkórsetildi

Memlekettik qyzmet isteri agenttiginiń Soltústik Qazaqstan departamenti basshysynyń orynbasary Janat Jumabaev jýyrda 2019 jyly atqarǵan jumystaryn qorytyndylap jáne jańa jyldaǵy josparlardyń oryndalý barysy týraly jýrnalısterge brıfıng berdi.

J.Jumabaevtyń aıtýyna qaraǵanda memlekettik qyzmetkerge laıyq emes teris qylyq boıynsha qyzmetten ketkender 2018 jylmen salystyrǵanda byltyr 45% -ǵa azaıǵan. Osynyń arqasynda kadrlyq turaqtylyqty saqtaý kórsetkishi jaqsaryp keledi. Onyń 2019 jylǵy ortasha ótili 4 jyldan 4 jyl 6 aıǵa ósken. О́ńirde memlekettik qyzmettegi áıel adamdardyń sany basym ekeni baıqalyp otyr. Barlyq 4 myńnan astam memlekettik qyzmetshiniń 63,6% názik jandylar.

Eseptik jyly memlekettik qyzmetke ornalasýǵa jarııalanǵan 1078  konkýrstyń 813-i, ıaǵnı 75% tómengi laýazymdarǵa qyzmetkerler qabyldaý úshin jarııalanǵan. Barlyǵy 1816 azamat testileýden ótip, úmitkerlerdiń 80% qajetti bilim deńgeıin kórsete alǵany qýantady. Sonymen birge byltyr 1794 memlekettik qyzmetshi qaıta daıarlaý jáne biliktilikti arttyrý kýrstarynan ótken, bul 2018 jylǵy kórsetkishten 117 adamǵa kóp.

О́tken jylǵy memlekettik qyzmettegi aıryqsha jańalyqtardyń biri - prezıdenttik jastar kadrlary rezervin jasaqtaý boldy. Elimizdiń barlyq óńirinen 13 myń jas bul dodaǵa qatysyp, 300-i iriktelip alynsa sonyń ishinde 9 soltústik qazaqstandyq bar. Bul árıne azdaý, biraq bolashaqta jastar arasyndaǵy belsendilikti arttyrý baǵytynda jumys isteletin bolady. Qazir konkýrstan ótken bir soltústik qazaqstandyq jas azamat oblys ákimdiginde basqarma basshysynyń orynbasary laýazymynda qyzmetin bastap ketti.

Memlekettik qyzmet týraly zańnamalar jáne ádep kodeksi talaptarynyń saqtalýy jiti baqylaýǵa alynǵan. Bul máselemen óńirlik Ádep jónindegi keńes belsendi jumys júrgizedi. О́tken jyly 2018 jylmen salystyrǵanda zańnama jáne ádep talaptaryn buzǵan memlekettik qyzmetshiler sany 3 esege azaıǵan.

Zań buzýshylyqtarynyń aldyn alý jáne azamattardyń ótinishterin qarastyrǵan 43 tekseris júrgizilip, 16 usynym jasaldy. О́tinishpen kelgen azamattardyń 58%-nyń buzylǵan quqy qorǵaldy.

Departament qyzmetiniń bir baǵyty - kórsetiletin memlekettik qyzmetterdiń sapasyn qadaǵalaý. 2019 jyly jalpy sany 4,4 mln. memlekettik qyzmet kórsetilgen, bul 2018 jylǵydan 200 myńǵa artyq. Sonyń 82,9% elektrondyq túrde jasalǵan.

Qazirgi tańda tizimge sáıkes 694 memlekettik qyzmet kórsetýdiń 608-i elektrondyq nysanda qoljetimdi, bul 87,6%. Elektrondyq úkimet portalyn qoldaný daǵdylaryna úıretý úshin júıelik keste jasalyp,  825 sabaq ótkizilipti. «Sonyń arqasynda elektrondy qyzmetti qoldana almaıtyndar sany  2018 jylmen salystyrǵanda byltyr eki esege azaıǵan. Departament osy baǵyttaǵy jumystardy bıyl da jandandyra túsýdi kózdep otyr», dedi Janat Jumabaev óziniń sózinde. Kirispe sózin aıaqtaǵan soń ol jýrnalısterdiń kóptegen suraqtaryna jaýap berdi.

 

Soltústik Qazaqstan oblysy

Sońǵy jańalyqtar

Qarttar úıindegi qasiret

Aımaqtar • Keshe

Qazaq aqyny qyrǵyzsha jyrlandy

Rýhanııat • Keshe

Uqsas jańalyqtar