Qazaqstan • 18 Aqpan, 2020

Geologııalyq barlaýdy damytýǵa 800 mlrd teńgege jýyq jeke ınvestısııa tartylady

22 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda 2021-2025 jyldarǵa arnalǵan geologııalyq barlaý memlekettik baǵdarlamasy tujyrymdamasynyń jobasy qaraldy. Bul týraly Premer-Mınıstrdiń baspasóz qyzmeti habarlady.

Tujyrymdamany Ekologııa, geologııa jáne tabıǵı resýrstar mınıstri M. Myrzaǵalıev tanystyrdy, Qazaqstan munaıshylar-geologtar qoǵamynyń prezıdenti B. Qýandyqov, «Shell Qazaqstan» kompanııasynyń kommersııalyq máseleler jónindegi bas menedjeri E. Merfı, «Qazaqmys Barlaý» bas dırektory Ǵ. Nurjanov, Shyǵys Qazaqstan oblysynyń ákimi D. Ahmetov, Qaraǵandy oblysynyń ákimi J. Qasymbek, QR Premer-Mınıstriniń orynbasary R. Sklıar QR-da geologııalyq barlaýdy damytý tásilderi men máseleniń ózektiligi týraly baıandama jasady.

Ázirlenip jatqan 2021-2025 jyldarǵa arnalǵan geologııalyq barlaý memlekettik baǵdarlamasy Qazaqstan aýmaǵynyń geologııalyq zerdelenýin qamtamasyz etýge, mıneraldyq-shıkizat bazasyn tolyqtyrýǵa (paıdaly qazbalar qorlarynyń ósimi), jer qoınaýyn geologııalyq zertteýdi ǵylymı-zertteýshilik qamtamasyz etýge, avtomattandyrý men sıfrlandyrýǵa, ınfraqurylymdy damytýǵa jáne geologııalyq salany kadrlyq qamtamasyz etýge, sondaı-aq halyqtyń áleýmettik-ekonomıkalyq ál-aýqatyn qamtamasyz etýge baǵyttalatyn bolady.

Memlekettik baǵdarlamany júzege asyrý úshin memlekettik bıýdjetten 200 mlrd teńgege jýyq qarajat bólý, sondaı-aq shamamen 800 mlrd teńge jeke ınvestısııalar tartý kózdelip otyr.

Memlekettik baǵdarlamany oryndaý alańdardy geologııalyq jete zertteýdi 94,5%-dan 100%-ǵa deıin, tereńdik, geologııalyq-mıneragendik kartaǵa túsirýdi 25,8%-dan 37%-ǵa deıin arttyrýǵa, qatty paıdaly qazbalardyń 50-ge jýyq perspektıvaly alańyn anyqtaýǵa, shógindi alaptardyń geologııalyq zerdelenýin qamtýdy: ıgerilgenderdi – 60%-ǵa deıin, az zerttelgenderdi 10%-ǵa deıin ulǵaıtýǵa múmkindik beredi.

Boljamdyq resýrstardyń ósýi kútilýde, onyń ishinde altyn – 200 tonna, mys – 5 mln tonna, polımetaldar – 5 mln tonna, ýran – 50 myń tonna, kómirsýtekter – 700 mln tonna. Geologııalyq barlaý salasy qyzmetkerleriniń sany 190 myńnan 250 myń adamǵa deıin artady.

«Tuńǵysh Prezıdent – Elbasy Nursultan Ábishuly Nazarbaev ekonomıkanyń dástúrli óndirýshi salalarynyń tıimdiligin arttyrý jáne Qazaqstandy geologııalyq barlaýdyń álemdik naryǵyna shyǵarý jóninde mindet qoıdy. Memleket basshysy Qasym-Jomart Kemeluly Toqaev Úkimetke geologııalyq barlaýdyń memlekettik baǵdarlamasyn ázirleýdi tapsyrdy. Munaı-gaz jáne taý-ken metallýrgııa sektorlaryn turaqty shıkizat bazasymen qamtamasyz etý qajet. Qazirgi bar ken oryndary birtindep sarqylýda. Sonymen birge, qazirgi ýaqytta Qazaqstan aýmaǵynyń zerttelý deńgeıi 25%-dan sál ǵana asyp otyr», — dedi A. Mamın. 

Premer-Mınıstr Geologııalyq barlaýdyń memlekettik baǵdarlamasyn tıimdi iske asyrý salynǵan 1 teńgege 4 teńgege deıin qosymsha jeke ınvestısııalardy tartýǵa múmkindik beretinin atap ótti. Elimizdiń, ásirese monoqalalardyń mańynda mıneraldyq-shıkizat bazasyn molyqtyrý ekonomıkaǵa oń áserin tıgizip, ónerkásip salalaryn damytý úshin naqty negiz bolady.

«Ken oryndaryn ashqan kezde jańa óndiristik keshender qurylady, bul 6 trln teńgege deıin ınvestısııa tartýǵa jáne qosymsha 20 myń jumys ornyn ashýǵa múmkindik beredi», — dep atap ótti A. Mamın.

Premer-Mınıstr geologııalyq barlaý jumystaryn júrgizý kezinde geofızıkalyq zertteýler men Jerdi qashyqtan zondtaýdyń jańa ádisterin qoldaný qajet ekenin atap ótti. 

Úkimet basshysy Ekologııa, geologııa jáne tabıǵı resýrstar mınıstrligine osy jyldyń 31 mamyryna deıin Memlekettik baǵdarlamanyń jobasyn Úkimetke engizýdi tapsyrdy.

Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar