Qazaqstan • 18 Aqpan, 2020

Úkimette elektrondyq saýdany damytý máseleleri qaraldy

30 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda elektrondyq saýdany damytý máseleleri qaraldy. Bul týraly Premer-Mınıstrdiń baspasóz qyzmeti habarlady.

Osy baǵytta júrgizilip jatqan jumystar týraly saýda jáne ıntegrasııa mınıstri B. Sultanov, poshta ınfraqurylymynyń jaı-kúıi týraly «Qazposhta» AQ basqarma tóraǵasy S. Sársenov, sıfrlyq keńistikte jaǵdaı jasaý týraly sıfrlyq damý, ınnovasııalar jáne aeroǵarysh ónerkásibi mınıstri A. Jumaǵalıev baıandady.

Qazaqstannyń elektrondyq saýda naryǵy 2019 jyly 1,8 esege artyp, 700 mlrd teńgeden asty. Bólshek saýdanyń jalpy kólemindegi elektrondyq saýda úlesi 2018 jylǵy 2,9%-dan 2019 jyly 3,7%-ǵa deıin ósti. Qazaqstandyq ınternet-dúkenderdegi satyp alý kólemi 422 mlrd teńgeni, halyqaralyq ınternet-alańdarda 280 mlrd teńgeni qurady. Asa tanymal taýarlar —  aksessýarlar men tehnıka (35%), kosmetıka (30%), úıge arnalǵan taýarlar (15%), kıim jáne aıaq kıim (10%).

2019 jyly Qazaqstanda 3,2 mln belsendi onlaın-satyp alýshy tirkeldi (2018 jyly – 2,3 mln adam). Elimizde 2 myńnan astam ınternet-dúken jumys isteıdi, onyń ishinde tabys salyǵyn tóleýden bosatý túrinde salyq jeńildikterin alý úshin barlyǵy 579 ınternet-dúken tirkelgen.

2019 jyly qolma-qol aqshasyz tólemder kólemi 2,3 esege artyp, shamamen 14,4 trln teńgeni qurady (2018 jyly – 6,4 trln tg). О́sim saýda POS-termınaldary ınfraqurylymynyń damýymen, Qazaqstan naryǵyna Apple Pay jáne Samsung Pay-diń shyǵýymen, bankterdiń bonýstar men keshbekter arqyly klıentterdi yntalandyrýymen, sondaı-aq qoǵamdyq kóliktiń barlyq túrlerinde qolma-qol aqshasyz tólemdi belsendi paıdalanýmen baılanysty.

2019 jyly elektrondyq saýdada 36,8 myń jańa jumys orny ashyldy. Elektrondy saýda arqyly qazaqstandyq taýarlardyń eksporty $5 mln jetti. AHQO-da tirkelgen Wildberries halyqaralyq kompanııasynyń platformasynda 21 qazaqstandyq kompanııa EAEO elderinde 594 taýar túrin satady. Taıaý keleshekte ótkizý aýmaǵy EO elderine keńeıedi.

«E-kommersııanyń qarqyndy damýyna baılanysty jańa mamandyqtar ashylyp jatyr, jumys oryndarynyń sany ósýde. Sondyqtan Qazaqstannyń iri qalalarynda e-commerce ortalyqtarynyń bazasynda oqytýdy keńeıtý kerek», — dedi A. Mamın.  

Úkimet basshysy bir apta merzim ishinde ótken jyly qabyldanǵan Elektrondyq kommersııany damytý jónindegi 2025 jylǵa deıingi jol kartasyn jandandyrýdy tapsyrdy.

Sońǵy jańalyqtar

Qarttar úıindegi qasiret

Aımaqtar • Keshe

Qazaq aqyny qyrǵyzsha jyrlandy

Rýhanııat • Keshe

Uqsas jańalyqtar