Kezdesý barysynda iKOMEK ortalyǵynyń basshysy Jannat Dúbirova ákimdiktiń 1-0-9 qysqa nómirli Biryńǵaı baılanys ortalyǵynyń jumysyn tanystyrdy.
Sondaı-aq BIG DATA qaǵıdasymen jumys jasaıtyn taldaý platformasy, qalany basqarý paneli, qaladaǵy jaǵdaıatqa monıtorıng jasaıtyn mobıldi qosymsha, GPS-monıtorıng júıesi, ákimdiktiń tıimdilik kórsetkishteriniń úlgisi (KPIs) jáne ákimdik basshylary: ákim orynbasarlarynyń, aýdan ákimderiniń jáne basqarma basshylarynyń reıtıngisi sııaqty sıfrlyq bastamalarmen bólisti.
Densaýlyq saqtaý mınıstri Eljan Birtanov iKOMEK qalalyq ortalyǵynyń jumysyna joǵary baǵa berdi. Kezdesý barysynda mınıstr ortalyqty densaýlyq saqtaý salasynyń 1406 biryńǵaı baılanys ortalyǵymen biriktirýdi, sondaı-aq medısınalyq qyzmetterdi usyný sapasyn arttyrý úshin elorda turǵyndarynyń densaýlyq saqtaý máseleleri boıynsha ótinishterin taldaýdy Mınıstrlikke berýdi tapsyrdy.
Aıta ketsek, iKOMEK ortalyǵy azamattardyń ótinishterine jedel den qoıý úshin elordalyq medısınalyq mekeme basshylarymen belsendi jumys jasaýda. 2019 jyldyń qazanynan bastap, bas dárigerler «iKOMEK109» mobıldi qosymshasyna qosylyp, azamattardyń ótinishterine monıtorıng júrgizedi.
