Aımaqtar • 18 Aqpan, 2020

Irjı Pachınektiń shyny baǵy

14 retkórsetildi

Dál osylaı atalǵan aıryqsha kórme Chehııadan Almatyǵa keldi. Kózdiń jaýyn alatyn san alýan kádesyılar kádimgi shynydan jasaldy degenge sený qıyn. Túrli formada qalyptalyp, áınekpen áshekeılengen ásem týyndylardyń tasasynda shyny sheberiniń tolaǵaı eńbegi jatyr.

Á.Qasteev atyndaǵy óner murajaıynda óziniń otyz týyndysynyń tarıhyn jipke tizgen Irjı Pachınek kásibı biligimen bólisti. Esimi halyqaralyq deńgeıdegi zamanaýı kórkemdik shyny óndirisiniń kóshbasshysy retinde atalatyn avtordyń Svıkov, Lındav, Kýnratıse qalalarynda shyny zaýyttary bar. Ol óz qoltańbasynda ystyq áshekeılermen úılesetin metall ysqyryǵy arqyly áınekti úrleýdiń dástúrli cheh ádisin qoldanady.

– Pachınektiń Almatyǵa ákelgen kórmesi flora men faýnanyń ekzotıkalyq mekendeýshileri beınelengen avtorlyq týyndylardan turady. Shyny sheberi jeke shyǵarmashylyq álemin jasaı otyryp, onda sulýlyq pen úılesimdilikti jarııalaý arqyly shynaıy ári oıdan shyǵarylǵan mekendeýshilerdi bederlegen. Munda – savannanyń tákappar mekendeýshileri – zebra, begemot, buqa qyzyqty qııal gúlderimen tabıǵı túrde tolyqtyrylǵan.  Olardyń ústinen jarqyrap kóringen ashyq tústi kóbelek,  aǵash dińine órmelegen kesirtke, kókke qanatyn kergen aıbyndy qyran, ásem qoqıqaz, sulý totyqus óner ıesiniń qııalyndaǵy tańǵajaıyp baqtyń kórkin ashyp turǵandaı. Olardyń arasyndaǵy jalǵyz múıiz beınesi shynaıy armannyń kórinisi retinde paıda bolady, – deıdi kórme jetekshisi Ekaterına Reznıkova.

Dástúrli cheh shyny mektebiniń aıbynyn tanytatyn óner jármeńkesin Nur-Sultandaǵy Chehııa Respýblıkasynyń Elshiligi men Á. Qasteev atyndaǵy Memlekettik óner mýzeıi birlese uıymdastyryp otyr. Týyndygerdiń kórkem shynydan jasaǵan buıymdary halyqaralyq deńgeıdegi iri qonaqúılerde óziniń laıyqty ornyn alǵan. Shyny zaýytynda ár elden kelgen jas shyny jasaýshylardy osy ónerge úıretetin 12 sheber jumys isteıdi, olardyń arasynda qazaqstandyq stýdentter de bar.

Este bolsa, «Shyny baǵy» kórmesiniń birinshi bólimi ótken jyldyń qazanynda Elordada shymyldyǵyn túrgen bolatyn. Sharanyń ashylý rásimine qatysqan Chehııa Respýblıkasynyń Elshisi Rýdolf Gıkl atap ótkendeı: «Kórme – Qazaqstandaǵy Chehııa Elshiliginiń alǵashqy iri mádenı jobasy, onyń maqsaty Chehııa Respýblıkasynan qundy da ádemi óner týyndylaryn usyný ári qazaqstandyqtarǵa burynnan tanys cheh shyny sheberligin tereńnen uǵynýǵa múmkindik jasaý».

Sońǵy jańalyqtar

Beıqamdyqqa jol berilmeýi kerek

Rýhanııat • Búgin, 19:44

Úkimet syıaqy mólsherin belgiledi

Sport • Búgin, 19:42

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Bıznesti jalaqy salyǵynan bosatý kerek

Ekonomıka • Búgin, 18:47

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar