Qazaqstan • 18 Aqpan, 2020

Byltyr ınternet-dúkenderde satyp alý kólemi 422 mlrd teńgeni qurady

25 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda elektrondyq saýdany damytý máseleleri týraly Saýda jáne ıntegrasııa mınıstri Baqyt Sultanov, «Qazposhta» AQ Basqarma tóraǵasy Sáken Sársenov, Sıfrlyq damý, ınnovasııalar jáne aeroǵarysh ónerkásibi mınıstri Asqar Jumaǵalıev baıandady. Bul týraly Premer-Mınıstrdiń baspasóz qyzmeti habarlady.

Saýda jáne ıntegrasııa mınıstri B. Sultanov búgingi tańda búkil álemde bólshek saýdadaǵy elektrondyq kommersııa naryǵy dástúrli saýdany yǵystyra otyryp, ozyq qarqynmen ósip keletinin atap ótti.

2019 jyldyń qorytyndysy boıynsha bólshek elektrondyq saýdanyń álemdik kólemi avıatasymalǵa bıletter men is-sharalarǵa bıletter satýdy esepke almaǵanda, $3,5 trln-nan asty. Sońǵy birneshe jylda bul kórsetkishtiń jyldyq ósý qarqyny 20%-dan asady. Bul naryqta jalpy úlesi álemdik naryqtyń 71,3% quraıtyn Qytaı jáne Amerıka Qurama Shtattary kóshbasshylar bolyp tabylady.

«Biz iri saýda ortalyqtary saýdanyń elektrondyq formatyn belsendi túrde damytyp otyrǵanyn kórip otyrmyz. Sońǵy 2 jyl ishinde AQSh-ta 10 myńnan astam offlaın dúkender jabyldy», — dedi B. Sultanov.

Elektrondyq kommersııada marketpleıs degen quraldarǵa suranys artyp keledi. Buǵan mysal Alibaba jáne Amazon elektrondy platformalary, olar Qytaı men AQSh onlaın naryqtarynyń jartysyna ıe.

Elektrondyq saýdanyń taǵy da bir trendi – bul kóbine smartfondar arqyly satyp alý. Smartfondardyń kómegimen tapsyrystardy rásimdeýshi satyp alýshylardyń úlesi búkil álemde 54%-dy quraıdy. Qazaqstanda bul kórsetkish 65%-ǵa jaqyndady.

Qazaqstanda elektrondyq saýda naryǵynyń kólemi 2019 jyly 1,8 esege ósip, 700 mlrd teńgeden asty. Elektrondyq saýdanyń bólshek saýdadaǵy úlesi 1%-dyq tarmaq qosyp, 3,7%-dy qurady. Bul aıtarlyqtaı ósý áleýetin kórsetedi.

Bul rette, ishki naryq qarqyndy damýda. Qazaqstandyq ınternet-dúkenderden satyp alý kólemi 422 mlrd teńgeni qurady, halyqaralyq ınternet-alańdary boıynsha — 280 mlrd teńge.

Satyp alýlar sany 40,5 mln-ǵa deıin ósti. Bul rette ishki naryqtyń negizgi ósimi 2,5 esege asyp, 22 mln danany qurady.

2019 jyly belsendi satyp alýshylardyń sany 72%-ǵa artyp, 3,2 mln adamdy qurady.

Qazaqstanda 2 myńnan astam ınternet-dúken bar. Alaıda, tabys salyǵyn tóleýden bosatý túrinde salyq jeńildikterin alý úshin 579 ınternet-dúken tirkelgen.

Sondyqtan, B. Sultanovtyń aıtýynsha, naryqtyń retteý rásimderin qatańdatpaı, osy salanyń zańdy qyzmetin yntalandyrý boıynsha sharalar qabyldaý mańyzdy.

Taýarlar men qyzmetterdiń aınalymynyń «aǵarýyn» dáleldeý mysaly retinde aıtatyn jaıt, 2019 jylǵy qolma-qol aqshasyz tólemder kólemi 2,3 esege artyp, shamamen 14,4 trln teńgeni qurady. Bul ósim POS-termınaldardyń ınfraqurylymynyń damýyna, Qazaqstan naryǵyna Apple Pay jáne Samsung Pay enýine, bankterdiń klıentterdi bonýstar men keshbekter arqyly yntalandyrýyna, sondaı-aq qoǵamdyq kóliktiń barlyq túrlerinde qolma-qol aqshasyz tólemderdi belsendi qoldanýǵa baılanysty.

2019 jyly elektrondyq saýdada 36,8 myń jańa jumys orny ashyldy.

2019 jyly Elektrondyq kommersııany damytýdyń 2019-2025 jyldarǵa arnalǵan Jol kartasy ázirlenip, qabyldandy. Bul qujattaǵy sharalar 3 baǵyt boıynsha qurylymdalǵan, atap aıtsaq: elektrondyq saýdada eksportty arttyrý, otandyq kásipkerlerdi elektrondyq saýdaǵa tartý jáne ınfraqurylymdy damytý, tutynýshylardyń quqyqtaryn qorǵaý jáne elektrondyq saýdany ilgeriletý.

«О́tken jylǵy jazda qoıylǵan mindet elektrondyq saýda úlesin 5%-ǵa deıin jetkizý boldy. Alaıda, Saýda jáne ıntegrasııa mınıstrligi qurylǵaly biz taldaý júrgizdik. Sonyń nátıjesinde elektrondyq kommersııa úlesin 10%-ǵa deıin arttyrý degen ambısııalyq maqsat qoıyldy. Osyǵan baılanysty, biz qosymsha sharalar qabyldadyq», — dedi saýda jáne ıntegrasııa mınıstri. 

Birinshiden, qazaqstandyq kompanııalardy halyqaralyq elektrondyq platformalarda ilgeriletý jónindegi sharalar.

«Atameken» ulttyq kásipkerler palatasymen birlesip «Internet-eksporttaýshy mektebi» baǵdarlamasy iske qosyldy. Elektrondyq saýda alańdarynda bıznesti júrgizýdiń praktıkalyq ádisine 200 qatysýshy oqytyldy.

Bastaýshy jáne tájirıbeli kásipkerlerge ınternet-platformalarda ilgeriletý boıynsha tikeleı qoldaý kórsetildi. Máselen, Alibaba halyqaralyq platformasyna «Altyn jetkizýshi» retinde tirkeý úshin 50 kompanııa irikteldi. Bul premıaldy mártebe jahandyq aýdıtorııaǵa qoljetimdilikti, marketpleıs ishinde keshendi ilgeriletý múmkindigin qamtamasyz etedi. 

Ekinshiden, Qazaqstanǵa halyqaralyq platformalar tartý jóninde sharalar qabyldandy.

О́tken jyly Mınıstrlik «Wildberries» halyqaralyq kompanııasymen ınvestısııalyq jobany júzege asyrý týraly Memorandýmǵa qol qoıdy. Onyń negizgi maqsaty – atalǵan platforma arqyly qazaqstandyq taýarlardyń eksportyn arttyrýǵa múmkindik beretin ınfraqurylymdy qurý jáne damytý. Wildberries kompanııasy Astana halyqaralyq qarjy ortalyǵynyń qatysýshysy bolyp tirkeldi. Búgingi tańda 21 qazaqstandyq kompanııa Reseı, Belarýs, Qyrǵyzstan jáne Armenııa sııaqty baǵyttar boıynsha osy platformadaǵy taýardyń 594 túrin satady.

Úshinshiden, elektrondyq saýda naryǵy ekojúıesiniń ınfraqurylymyn damytý jónindegi sharalar.

Búgingi tańda Nur-Sultan, Almaty jáne Aqtóbe qalalarynda kún saıyn 350 myńnan astam poshta jóneltimderin óńdeıtin 3 fýlfılment-ortalyq jumys jasaýda. 2025 jylǵa qaraı olardyń sany 19-ǵa deıin ósedi. Bul poshta jóneltimderi kólemin 82,8 mln danaǵa deıin ulǵaıtýǵa jáne myńnan astam ınternet-dúkenderdiń qyzmetterimen qamtamasyz etýge múmkindik beredi.

Sonymen qatar, taýar ótkizý ınfraqurylymdy qurý sheńberinde agro-logıstıkalyq jáne kóterme-taratý ortalyqtary jelisin sıfrlandyrý josparlanyp otyr. Máselen, olardyń negizinde fermerler men kóterme satyp alýshylar úshin elektrondyq saýda alańdary qurylady. Aqparattyq júıe bizge taýar aǵyndaryn qadaǵalaýǵa múmkindik beredi jáne teńdestirilgen óńiraralyq aǵyndardy qamtamasyz etedi.

Tórtinshiden, qazaqstandyq sıfrlyq saýda alańdaryn qurýdy qoldaýǵa baǵyttalǵan sharalar.

Búginde naryqta shamamen 13 damýshy qazaqstandyq saýda alańy jumys isteıdi. Kaspi.kz, flip.kz, chocofamily, mechta.kz basqa da marketpleıster taýarlar men qyzmetterdiń shamamen 20 sanaty bar.

Azyq-túlik saýdasyn damytý maqsatynda «Onay Bazar» jáne «HappyFood.kz» elektrondyq platformalaryn damytýǵa qoldaý kórsetildi. Olar tutynýshyǵa úıden shyqpaı-aq taýar satyp alýǵa múmkindik beredi. Máselen, bazardaǵy sábiz 100 teńgeden satylsa, Onay Bazarda 85 teńge ǵana turady.

Fermerlerdiń otandyq ónimdi básekege qabiletti baǵamen satýy úshin «Agro Labs» platformasy ázirlenip jatyr.

«Jalpy, saýdany sıfrlandyrý azyq-túlik baǵasyn tómendetýge, sondaı-aq baǵa belgileýdi ashyq etýge múmkindik beredi dep oılaımyz», — dedi B. Sultanov. 

Besinshiden, qoǵamdy elektrondyq saýdaǵa belsendi qatysýǵa tartý.

Qoǵamdyq saýdany elektrondyq formatqa aýystyrý, azyq-túlik taýarlarynyń baǵasyn baqylaý maqsatynda Mınıstrliktiń qoldaýymen «BTS Digital» kompanııasy «PRICE SCANNER» qosymshasyn ázirleýde. Bul áleýmettik mańyzdy ári azyq-túlik taýarlaryna baǵany monıtorıngteýge múmkindik beredi. 

Budan basqa, Mınıstrlik tutynýshylardyń quqyqtaryn qorǵaý týraly jańa Zań jobasy sheńberinde «bir tereze» qaǵıdaty boıynsha shaǵymdardy qabyldaýdyń Biryńǵaı aqparattyq júıesin qurý kózdep otyr. Bul júıe tutynýshyǵa ınternet arqyly shaǵym berýge jáne óziniń buzylǵan quqyqtaryn qalpyna keltirýge múmkindik beredi.

Sońǵy jańalyqtar

Beıqamdyqqa jol berilmeýi kerek

Rýhanııat • Búgin, 19:44

Úkimet syıaqy mólsherin belgiledi

Sport • Búgin, 19:42

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Jel sypyrdy aýlańdy erinshekteý

Ádebıet • Búgin, 17:38

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar