Qoǵam • 18 Aqpan, 2020

Aýyldarǵa joǵary jyldamdyqty mobıldi ınternetti júrgizý kestesi quryldy

31 retkórsetildi

Sıfrlyq damý, ınnovasııalar jáne aeroǵarysh ónerkásibi mınıstri Asqar Jumaǵalıev sonymen qatar búgingi kúni elektrondy saýda qarqyndy damyp jatqanyn atap ótti. Ol úshin kelesi jumystar jasalýda: sapaly Internetpen qamtý, sıfrlyq saýattylyqty kóterý, qolma-qolsyz aqsha tólemderdi arttyrý.  Bul týraly Premer-Mınıstrdiń baspasóz qyzmeti habarlady.

Qazirgi ýaqytta 117 qala jáne 250 adamnan astam turǵyny bar 3100-den astam aýyl keń jolaqty mobıldi ınternetke qosylǵan. Jyl sońyna deıin turǵyndar sany 250-den asatyn 1000-nan astam aýyldy jyldamdyǵy joǵary mobıldi ınternetpen qamtý josparlanǵan. Osy oraıda, aýyldarǵa joǵary jyldamdyqty mobıldi ınternetti júrgizýdiń jospar-kestesi qurylyp, barlyq ákimdiktermen kelisildi. 

A. Jumaǵalıev ótken aptada baılanys operatorlary mobıldi baılanys jelisin birlesip qurý týraly memorandýmǵa qol qoıǵanyn habarlady. Elimiz úshin mańyzy zor jobany operatorlar óz qarajaty esebinen iske asyrady.

2021-22 jyldary 250 adamnan az turǵyny bar 877 aýyldy keń jolaqty ınternetke 3G/4G texnologııasymen jáne qalǵan 930 aýyldy spýtnıktik ınternetke qosý josparda bar.

«Bul jumys xalyqtyń sıfrlyq saýattylyǵyn arttyrýǵa kómektesedi. Bul baǵytta halyqty oqytý baǵdarlamalary qaıta qaraldy jáne bekitildi. Sonymen qatar, bazalyq sıfrlyq daǵdylar, EGOV, OPENGOV, E-COMMERCE, jáne aqparattyq qaýipsizdik daǵdylary kýrstary ótkizilýde», — dedi A. Jumaǵalıev.

2019 jyly ákimdikter sıfrlyq quzyrettilikterge 532 myń adamdy oqytty. Bul bıznesti damytýǵa jáne turǵyndardyń ómir súrýiniń jalpy deńgeıin kóterýge múmkindik jasady. 

Internet jelisiniń ulǵaıýy jáne sıfrlyq saýattylyqtyń artýy qolma-qolsyz aqsha tólemderiniń damýyna jol ashty.

Nátıjesinde, qolma-qol aqshasyz operasııalar kólemi 2,3 ese ósip, 14,5 trln teńgeni qurady.

Sonymen qatar A. Jumaǵalıev sıfrlyq tehnologııalardy retteý jónindegi zań jobasynda jedel tólemder júıesin engizý kózdelgenin aıtty. Onyń aıtýynsha, sonyń arqasynda qolma-qol aqshasyz tólemder deńgeıi odan ári joǵary qarqynmen artady. Kóleńkeli ekonomıka deńgeıi tómendeıdi. Bul otandyq óndiristi damytýǵa, «qarapaıym zattar ekonomıkasyn» qurýǵa oń áserin tıgizedi. Atalǵan jumys otandyq taýar óndirýshilerge halyqaralyq saýda alańdaryna shyǵýǵa múmkindik beredi. Árıne, bul elimizdiń ekonomıkalyq ósimine jańa serpin beredi. 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar