Qazaqstan • 18 Aqpan, 2020

Avtokólik quraldary men jıhaz satyp alý shyǵyndary qysqartylady — Á. Smaıylov

34 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda basym emes bıýdjet shyǵystaryn qysqartý boıynsha qabyldanyp jatqan sharalar týraly Premer-Mınıstrdiń birinshi orynbasary – qarjy mınıstri Álıhan Smaıylov baıandady.  Bul týraly Premer-Mınıstrdiń baspasóz qyzmeti habarlady.

Prezıdent 24 qańtarda memlekettik jáne kvazımemlekettik sektordaǵy basym emes shyǵystardy qysqartý boıynsha jumysty jalǵastyrýdy tapsyrdy. Osy tapsyrmany oryndaý úshin shyǵystardy taldaý boıynsha jumys júrgizildi jáne olardy qysqartý boıynsha usynystar ázirlendi. Á. Smaıylov atap ótkendeı, bul usynystar aǵymdaǵy jyldyń bıýdjetin naqtylaý jáne kelesi úsh jyldyq kezeńge arnalǵan bıýdjetti qalyptastyrý kezinde júzege asyrylatyn bolady.

«Jalpy alǵanda shyǵystardy ońtaılandyrý boıynsha jalpy somasy 128,6 mlrd teńgege usynystar berildi, onyń ishinde memlekettik organdardan – 23 mlrd teńge, óńirlerden – 26,6 mlrd teńge jáne kvazımemlekettik sektor sýbektilerinen – 79 mlrd teńge», — dedi Á. Smaıylov.

Memlekettik bıýdjet boıynsha ońtaılandyrýǵa mynadaı shyǵystar usynyldy: semınarlar, konferensııalar ótkizýge, avtokólik, jıhaz satyp alýǵa arnalǵan shyǵystar – 4,2 mlrd teńge, issapar, ókildik shyǵystar, taldamalyq zertteýler – 15,7 mlrd teńge, ózge de ónimdi emes shyǵystar – 29,7 mlrd teńge. 

О́z kezeginde Qarjy mınıstrliginiń 2018-2019 jyldary bıýdjetti atqarý negizinde ázirlengen shyǵystardy ońtaılandyrý, bıýdjet zańnamasynyń jańa normalary, sondaı-aq ınvestısııalyq jobalardyń tolyq jáne ýaqtyly ıgerilýin baǵalaýda shyǵystardy ońtaılandyrý boıynsha qosymsha usynystary bar. Osyǵan sáıkes, ákimshilermen birlesip 2020 jylǵa arnalǵan bıýdjetti naqtylaý kezinde eskerý úshin shyǵystardy qosymsha ońtaılandyrý máselesi pysyqtalatyn bolady.

О́ńirler 26,6 mlrd teńge somasynda qarajatty ońtaılandyrýdy usyndy, onyń 72,5% Almaty jáne Túrkistan oblastarynyń, sondaı-aq Almaty qalasynyń usynystary.

Sondaı-aq Qarjy mınıstrligi 2019 jylǵa jergilikti bıýdjetterdiń atqarý qorytyndylaryn qarady.

«Biz ótken jyly óńirlerdiń  kiristeri asyra oryndalǵanyn kórip otyrmyz, sonymen qatar,  bıýdjet qarajatynyń bos qaldyqtary qalyptasty. Osyǵan baılanysty, respýblıkalyq bıýdjetten nysanaly transfertter esebinen iske asyrylatyn jobalar boıynsha óńirlerdiń qosa qarjylandyrý úlesin qosymsha 7%-ǵa ulǵaıtý usynylady», — dedi Á. Smaıylov.

Onyń aıtýynsha, bul shara respýblıkalyq bıýdjette qosymsha 36,9 mlrd teńgege qarajatty bosatady.

Odan basqa, 2020-2022 jyldarǵa arnalǵan bıýdjetti Parlamentte qorǵaý sheńberinde Úkimet dıvıdendik saıasatty qaıta qaraý boıynsha mindetteme qabyldady, onyń nátıjeleri bıýdjetti naqtylaý kezinde usynylatyn bolady.

Sońǵy jańalyqtar

Beıqamdyqqa jol berilmeýi kerek

Rýhanııat • Búgin, 19:44

Úkimet syıaqy mólsherin belgiledi

Sport • Búgin, 19:42

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Bıznesti jalaqy salyǵynan bosatý kerek

Ekonomıka • Búgin, 18:47

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar