Jýyrda Oraldaǵy Shaǵan ózeniniń jaǵasynda jyldam júzetin FS19 katerin sýǵa túsirý saltanaty ótti. Bir qýanarlyǵy – bul shaǵyn qaıyq ózimizdiń otandyq ónim. «Oral «Zenıt» zaýyty» AQ-ta qurastyrylǵan.
Jýyrda Oraldaǵy Shaǵan ózeniniń jaǵasynda jyldam júzetin FS19 katerin sýǵa túsirý saltanaty ótti. Bir qýanarlyǵy – bul shaǵyn qaıyq ózimizdiń otandyq ónim. «Oral «Zenıt» zaýyty» AQ-ta qurastyrylǵan.
Qaıyq jaǵalaý kúzeti men sholǵynshylyqta júrýge, sondaı-aq, ishki sýlar men Kaspıı teńiziniń jaqyn jaǵalaýlaryn torýyldaıtyn qaskóıler men buqpa «barymtashylardyń» izine túsip, ustaý jolynda taptyra bermes sý kóligine aınalyp otyr. Tusaýy kesilgen sý kóliginiń uzyndyǵy 20, eni 4, al bıiktigi 2,5 metrge jýyqtaıdy. Bul katerdiń ekıpaj quramy 4 adamnan jasaqtalǵan. Al basty ereksheligi ne deseńiz, ol onyń jyldamdyǵynda. Jańa qaıyq saǵatyna 100 shaqyrymǵa (48-50 torapqa) deıin júıtkı alady.
– FC19 qaıyǵynyń jaqsy tehnıkalyq minezdemesin eskere otyryp, QR UQK-niń shekara qyzmeti osyndaı katerlerge tapsyrys berýdi josparlap otyr,– deıdi Shekara qyzmetiniń dırektory, general-leıtenant Nurlan Jolamanov. – Jáne bolashaqta Kaspıı alabynyń tynyshtyǵyn kúzetý úshin tek qana sýda júzetin ǵana emes, áýe kemelerin de paıdalanatyn bolamyz.
Esterińizge sala ketsek, «Oral «Zenıt» zaýyty» AQ sý kemelerin qurastyrýmen 1993 jyldan bastap aınalysyp keledi. Osy ýaqyt aralyǵynda zaýyt QR UQK-niń shekara qyzmetine arnap «Suńqar», «Búrkit», «Barys» kemeleri men jyldam júzetin eki FC19 kishi qaıyǵyn jasap shyǵardy. Qazirgi kezde bul sý kólikteri Kaspıı teńizindegi memlekettik shekaramyzdy qyraǵy túrde kúzetip keledi.
Sol kúni QR UQK Shekara qyzmetiniń basshysy, general-leıtenant Nurlan Jolamanov pen Batys Qazaqstan oblysynyń ákimi Nurlan Noǵaev memlekettik qorǵanystyń tapsyrysy boıynsha kezekti kemeni qurastyryp sýǵa túsirgen zaýyt ujymyn shyn júrekten quttyqtady. Aldaǵy eńbekterine tolaıym tabystar tiledi.
Amangeldi ALDOŃǴARULY,
«Egemen Qazaqstan».
