Qazaqstan • 18 Aqpan, 2020

Eńbek mınıstrliginde sybaılas jemqorlyqtyń aldyn alý máseleleri talqylandy

26 retkórsetildi

Qazaqstan Respýblıkasy Eńbek jáne halyqty áleýmettik qorǵaý mınıstrliginde Eńbek, áleýmettik qorǵaý jáne kóshi-qon komıtetiniń tóraǵasy Erbol Nurǵalıev EÁQjKQK-niń aýmaqtyq departamentteriniń basshylarymen, sondaı-aq Sybaılas jemqorlyqqa qarsy is-qımyl agenttigi Parasattylyq departamenti dırektorynyń orynbasary Ǵanıjan Asanulynyń qatysýymen salalyq jınalys ótkizdi, onyń barysynda sybaılas jemqorlyqtyń aldyn alý jáne oǵan qarsy turý máseleleri qaraldy. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Keńes jumysyn asha otyryp, Nurǵalıev Eńbekmıninde sybaılas jemqorlyq quqyq buzýshylyqtardyń aldyn alý boıynsha turaqty negizde jumys júrgizilip jatqanyn atap ótti. Sybaılas jemqorlyqqa qarsy is-qımyl jónindegi is-sharalar josparynyń oryndalýyna baqylaý júrgiziledi, bıýdjettiń durys jasalýyna jáne atqarylýyna monıtorıng júrgizý, kórsetiletin qyzmetterdiń sapasyn baqylaý qamtamasyz etiledi.

Eńbekmıniniń veb-saıtynyń jumys isteýiniń aıqyndylyǵy men ashyqtyǵy oǵan baspasóz relızderin, normatıvtik-quqyqtyq aktilerdi, jeke jáne zańdy tulǵalardan kelip túsken ótinishterge jaýaptardy ýaqtyly ornalastyrý arqyly qamtamasyz etildi. Búgingi kúni mınıstrlikte Sybaılas jemqorlyqqa qarsy is-qımyl jónindegi qyzmet týraly arnaıy bólim jumys isteıdi.

Sonymen qatar Prezıdenttiń 2018 jylǵy 5 qazandaǵy «Qazaqstandyqtardyń ál-aýqatyn arttyrý: tabystar men ómir sapasyn arttyrý» Joldaýyn iske asyrý sheńberinde jáne sybaılas jemqorlyqqa qarsy is-qımyl agenttiginiń usynysy boıynsha Jalpyulttyq is-sharalar josparyn oryndaý úshin mınıstrlikte «Adaldyq alańy» jobalyq keńsesi quryldy. Onyń negizgi mindetteri áleýmettik-eńbek salasynyń ashyqtyǵy men aıqyndylyǵyn qamtamasyz etý jáne sybaılas jemqorlyqqa qarsy mádenıetke tárbıeleý bolyp tabylady.

О́z sózinde EÁQjKQK basshysy aýmaqtyq departamentterdiń dırektorlaryna osyndaı jobalyq keńseler qurýdy jáne sybaılas jemqorlyqqa qarsy sharalardy qabyldaý boıynsha jumysty kúsheıtýdi usyndy.

«Departament basshylyǵy kórsetiletin memlekettik qyzmetterdiń sapasyn baqylaýdy kúsheıtý; sybaılas jemqorlyq faktileriniń týyndaýyn boldyrmaý úshin pasıenttiń medısınalyq-áleýmettik saraptama bólimderiniń mamandarymen baılanysyn azaıtý, kýálandyrý prosesin qospaǵanda, medısınalyq-áleýmettik saraptama bólimderiniń qyzmet kórsetetin emdeý mekemelerin rotasııalaý kestesin bekitý qajet dep sanaımyn», – dedi Nurǵalıev.

Sondaı-aq EÁQjKQK tóraǵasy birinshi basshylardyń baǵynyshtylary úshin jaýapkershiligin eske salyp, departament qyzmetkerlerimen memlekettik qyzmet jáne sybaılas jemqorlyqqa qarsy is-qımyl salasyndaǵy zańnamany saqtaý máseleleri boıynsha turaqty negizde túsindirý jumystaryn júrgizýdi tapsyrdy.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar